Калегі палітзняволенага філосафа Уладзіміра Мацкевіча запусцілі сайт з яго працамі
Сёння калегі Уладзіміра Мацкевіча, кампанія «Філосаф у турме», запускаюць персанальны сайт філосафа і метадолага. Роўна год таму ён быў затрыманы, а ў чэрвені 2022 года яго асудзілі да пяці гадоў калоніі ўзмоцненага рэжыму.
На сайце ужо можна знайсці асноўныя кнігі, тэксты, відэа і адукацыйныя курсы. І ён будзе папаўняцца матэрыяламі розных гадоў і на розныя тэмы.
Таксама 4 жніўня на платформе Kikstarter стартуе кампанія па запісе аўдыёкніжкі «Свабода і Мысленне: эсэ аб грамадзянскай супольнасці», задуманая шэрагам грамадзянскіх ініцыятыў, у тым ліку выпускніцамі(-камі) «Лятучага універсітэта», чытачамі Мацкевіча, якія хацелі б падзяліцца яго ідэямі з вялікай колькасцю актыўных людзей Беларусі.
Партнёрамі з’яўляюцца «Нацыя лідараў», «Беларусы замежжа», «Беларускі моладзевы баб», «Маланка», Zubr, «Лятучы ўніверсітэт», кампанія «Філосаф у турме».
Уладзімір Мацкевіч быў затрыманы год таму, 4 жніўня 2021 года. 23 чэрвеня 2022 года яму быў вынесены прысуд: 5 гадоў калоніі ўзмоцненага рэжыму.
Палітзняволенага філосафа абвінавацілі паводле трох артыкулаў Крымінальнага кодэкса:
ч. 1 арт. 342 КК (актыўны ўдзел у групавых дзеяннях, якія груба парушаюць грамадскі парадак),
ч. 1 арт. 361-1 (стварэнне экстрэмісцкага фармавання),
ч. 1 арт. 368 (абраза Лукашэнкі).
Справу Мацкевіча разглядаў Сяргей Епіхаў. Ён жа раней выносіў рашэнні па справе Марыі Калеснікавай і Максіма Знака.
Цяпер чытаюць
«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў7
Каментары