Як прагнаць павукоў? Калі вы прыменіце гэтыя хітрыкі, павукі збягуць з вашага дому
Шмат хто не любіць павукоў — і нават баіцца. Але не ўсе ведаюць, як іх пазбавіцца. Расказваем простыя і эфектыўныя спосабы.
Падтрымлівайце чысціню
Павукі хаваюцца ў кватэрах у пошуках ежы, піша Onet.pl. Звычайна гэта харчовыя адходы або мёртвыя казуркі. Каб пазбавіцца іх «ласункаў», не забывайце рэгулярна прыбірацца. Не пакідайце крошкі на падлозе і сачыце за тым, каб забітая вамі муха трапіла ў смеццевае вядро, а не ляжала дзе-небудзь пад радыятарам.
Калі прыбіраецеся пыласосам, старанна праходзьцеся па закутках ля столі. Таксама пераканайцеся, што павуціння няма ў кутах пакояў.
Змаганне з дапамогай пахаў
Павукі не любяць многіх пахаў, і мята — адзін з іх. Таму добрай ідэяй будзе пасадзіць траву ў вазон і паставіць яго на падаконнік. Гэта можа эфектыўна перадухіліць пранікненне павукоў у хату праз вокны.
Калі вырошчванне раслінаў — не ваша стыхія, проста зрабіце адвар з вады і мятнага алею. Распыліце раствор на аконныя рамы, парогі дзвярэй, падаконнікі і куты, дзе часцей за ўсё сустракаюцца павукі. Майце на ўвазе, што праз некаторы час водар выпараецца, таму працэдуру неабходна паўтарыць, пажадана праз тыдзень. Акрамя мяты, добра пасуюць водары лімона, карыцы, воцату і жалудоў.
Упрыгажэнне з жалудоў
Жалуды — добры сродак для барацьбы з павукамі. Збярыце жалуды і каштаны і пастаўце іх у якасці ўпрыгажэння на падаконнік. Іх пах будзе адганяць павукоў.
Маскітная сетка
Замест таго, каб праганяць павукоў, можна проста перарэзаць ім шлях. Гэта перадухіліць пранікненне не толькі павукоў, але і камароў, мух і іншых насякомых.
«Хімія»
Калі рады павукам даць не атрымалася, скарыстайцеся хімічнымі сродкамі абароны ад насякомых, якія прадаюцца ў крамах. Аднак майце на ўвазе, што некаторыя з іх могуць быць таксічнымі ці дрэнна пахнуць.
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам21
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары
Выгоните павукоу и убедитесь, сколько мелких насекомых у вас на самом деле в жилище живёт.
Павуки держат в балансе мини экосистему.