Кіроўцаў «Яндэкс.Таксі» і Uber змусяць фінансаваць дзяржпрапаганду
Агрэгатары таксі павінны плаціць за налепкі на кузавах машын. Гэта лічыцца рэкламнай дзейнасцю, растлумачылі ў Міністэрстве антыманапольнага рэгулявання і гандлю.
У ведамстве лічаць, што надпіс «Яндэкс» або Uber на кузавах машын «з'яўляецца размяшчэннем (распаўсюджваннем) рэкламы на тэрыторыі Рэспублікі Беларусь». А яно падпадае па ўказ аб рэкламным зборы, які быў прыняты ў сакавіку 2022 года.
Указам, нагадаем, устанаўліваецца збор за размяшчэнне рэкламы: ён будзе складаць 10% ад кошту рэкламных паслуг пры размяшчэнні вонкавай рэкламы і рэкламы на транспарце і пойдзе на падтрымку лукашэнкаўскіх СМІ.
Больш за тое, калі ўладальнік брэнда — замежная кампанія (а «Яндэкс» і Uber такімі і з'яўляюцца), то для размяшчэння гандлёвых знакаў таксі патрэбны дагавор з рэкламным агенцтвам.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары