Крэмль вуснамі пуцінскага прэс-сакратара Дзмітрыя Пяскова заявіў пра неабходнасць для «патрыятычных» тэлеграм-каналаў быць акуратнымі з крытыкай расійскай «спецаперацыі». Паводле слоў Пяскова, крытычныя выказванні наконт расійскай «спецаперацыі» ва Украіне «дапушчальныя ў рамках закона», але «грань вельмі тонкая і трэба быць вельмі акуратным», піша РБК.
На прэс-канферэнцыі Пяскову звярнулі ўвагу, што ў святле апошніх падзей шэраг «патрыятычных» тэлеграм-каналаў, у тым ліку былога «міністра абароны ДНР» Ігара Гіркіна (Стралкова), пачалі крытыкаваць працу Мінабароны Расіі. У сувязі з гэтым у Пяскова спыталіся, ці могуць гэтыя публікацыі паўплываць на настроі расіян.
Пяскоў на гэта адказаў, што расіяне, маўляў, падтрымліваюць Пуціна, што пацвярджаюць нібыта і іх настроі і дзеянні. «Людзі сапраўды кансалідаваныя вакол тых рашэнняў, якія прымае кіраўнік дзяржавы», — адзначыў ён.
Што тычыцца іншых пунктаў гледжання і крытычна настроеных заяў, то, пакуль яны застаюцца ў рамках закона, «гэта плюралізм», сказаў пуцінскі прэс-сакратар.
«Але грань вельмі і вельмі тонкая. Тут трэба быць вельмі і вельмі акуратным», — папярэдзіў ён.
Цяпер чытаюць
Сямейная драма аднаго з самых вядомых клоўнаў Беларусі — жонка аддала Вадзіку Ракеце двухгадовага сына і сышла7
Каментары