Капірайты — для багатых і сквапных», — кажуць музыкі.
Мінскі рок-гурт Band_A выклаў на сваім сайце для бесплатнага скачвання альбом «Пазітывы». У альбом увайшлі новыя запісы, а таксама перазапісаныя песні «Рэвалюцыя», «Дзеці», «Хуткія», што змяшчаліся раней на CD-зборніках «Альтэрнатыва.by», «Песні Свабоды», «Basowiszcza XVII». Песня «Рэвалюцыя» дарэчы ўвайшла ў топ-12 найлепшых песень 2007 года паводле версіі сайта «Тузін гітоў».
«Калі вам спадабаліся запісы і вы захочаце падзяліцца імі – гурт будзе толькі «за». Капірайты — для багатых і сквапных», — кажуць музыкі.
Новую праграму яны цягам году «вазілі» па краіне. Выступы праходзілі ў фармаце DIY-канцэртаў (закінулі інструменты і апаратуру ў машыны і паехалі). За апошнія месяцы Band_A такім чынам выступілі ў Віцебску, Баранавічах, Магілёве. Гурт запрашае далучацца да гэтай акцыі маладыя каманды. Падрабязней пра DIY-акцыю — на сайце.
-
Максім Знак апублікаваў свае музычныя запісы на стрымінгах
-
Калі ў 1979‑м «Каласы пад сярпом тваім» выйшлі па-руску накладам 100 тысяч асобнікаў, імі гандлявалі мінскія таксісты. Настолькі папулярны быў Караткевіч
-
Прыцкераўская прэмія 2026 года дасталася чылійцу, які стварае міражы. Яго эстэтыка крохкасці перамагла манументальны пафас
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?20
Каментары