Качанава выступіла за вяртанне савецкай практыкі школьных характарыстык для абітурыентаў ВНУ
Падчас нарады ў старшыні Савета Рэспублікі Наталлі Качанавай «сенатарка» Марына Ільіна распавяла, што на «дыялогавых пляцоўках» нібыта «ідзе шмат абмеркаванняў наконт характарыстык».
«Калі будзе нейкая ўніверсальная форма характарыстыкі, якую кожная ўстанова адукацыі дакладна запоўніць і будзе разумець сваю адказнасць — тады гэта характарыстыка зможа спрацаваць на дзяржаўную карысць. Мы ўбачым актыўных рабят, якія бяруць удзел ва ўсіх мерапрыемствах. На мой погляд, гэта таксама можа быць адным са складнікаў кампанентаў усёй прыёмнай кампаніі», — сказала Марына Ільіна.
Наталля Качанава станоўча ацаніла прапанову. Яна заявіла, што характарыстыка сапраўды патрэбная.
«Крытэрыі павінны быць, бо не толькі вучоба характарызуе дзіця. Але калі ты даў характарыстыку, то нясеш за гэта адказнасць», — сказала старшыня Савета Рэспублікі.
У савецкі час пісьмовыя характарыстыкі былі абавязковыя для абітурыентаў ВНУ і для ўладкавання на працу, а таксама для іншага прасоўвання па сацыяльнай лесвіцы. У характарыстыках звычайна пісалі пра ідэалагічную адданасць чалавека савецкай сістэме і асабісты ўдзел у будаўніцтве камунізму. З часам яны вырадзіліся ў фармальнасць.
-
«Горы растуць, нам потым гэтым дыхаць». Жыхары шматпавярховіка ў Лошыцы незадаволеныя «снежным суседам»
-
Фэйкавая журналістка «Новой газеты. Европа» спрабуе наняць на працу вядомых беларусаў — прапановы атрымалі Лосік, Рагатко
-
За педафілію арыштавалі выкладчыка робататэхнікі з Паставаў. Налічылі 17 пацярпелых
Каментары
Только этим проордынским колобкам с кувшинными рылами это не поможет. Орды на всех не хватит—там скоро свой спектакль начнётся