У горадзе Тальнае ва Украіне 2 кастрычніка пахавалі беларускага добраахвотніка Аляксея Вешчавайлава. «Менавіта тут загадаў пахаваць сябе наш баявы сябра Жнец», — піша канал палка «Пагоня».
«З вуснаў тых, хто прыйшоў правесці Аляксея, не сыходзіла слова «герой». На ўрачыстым развітанні на галоўнай плошчы горада разам з поклічам «Слава Украіне!» гучала «Жыве Беларусь!» Цырымонія праводзілася пад патранажам мэрыі горада», — паведамляе канал «Пагоні».
Аляксей жыў у Гомелі, быў жанаты з беларускай і меў беларускае грамадзянства. Але ён быў па паходжанні эрзя. І гэта было настолькі важна для яго, што нават яго пазыўным было слова на эрзянскай мове. Яго ведалі пад нікам «Ледзяй». На эрзя гэта азначае «жнец».
Малы народ, каланізаваны рускімі, таксама аплаквае Аляксея як свайго героя.
Аляксей стаў трынаццатым грамадзянінам Беларусі, які загінуў падчас поўнамаштабнай вайны ва Украіне.
Чытайце таксама:
«Інешкіпаз забірае яго ў Яблычныя Сады. Туды, дзе Цюшця валадарыць з нашымі продкамі». Баец «Пагоні», што загінуў, аказаўся па нацыянальнасці эрзя
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі30
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4343
Каментары