Дваім пацярпелым у аварыі аўтобуса «Варшава — Мінск» пад Фаніпалем давялося рабіць аперацыі
Пра сітуацыю з пацярпелымі падчас аварыі аўтобуса расказаў намеснік галоўнага ўрача па хірургіі Мінскай клінічнай бальніцы хуткай медыцынскай дапамогі Ігар Шыманскі.
Як адзначыў спецыяліст,
«у аднаго з двух пацярпелых стан цяжкі. У яго была траўма ніжніх канечнасцяў і брушной поласці. Ён будзе знаходзіцца на штучнай вентыляцыі лёгкіх».
Як паведамлялася раней, усяго ў выніку ДТЗ пацярпелі 15 чалавек, 8 з іх былі шпіталізаваныя ў мінскія клінікі, астатнія атрымалі меддапамогу на месцы. Усяго ў бальніцы хуткай медыцынскай дапамогі была аказаная меддапамога 7 пацярпелым.
У бальніцу брыгадамі хуткай медыцынскай дапамогі былі дастаўленыя шэсць чалавек, яшчэ адна пасажырка звярнулася ў бальніцу самастойна.
Сярод тых пацярпелых, якія звярнуліся ў БСМП, дзяцей няма, усе пацыенты дарослага ўзросту, два з іх — жыхары Германіі.
Раніцай 4 кастрычніка непадалёк ад Фаніпаля адбылася аварыя, у якой аўтобус міжнароднага рэйса «Варшава — Мінск» сутыкнуўся з пагрузчыкам, пасля чаго яго адкінула на легкавы аўтамабіль. Паводле папярэдніх звестак, у гэтым аўтобусе знаходзіліся два кіроўцы і 61 пасажыр.
Чытайце таксама:
Сурʼёзная аварыя здарылася на Р1: аўтобус у кювеце, 15 чалавек пацярпелі
Цяпер чытаюць
У мінскім метро праходзяць выпрабаванні новыя цягнікі ФОТЫ2
Каментары