Разведка Украіны: Расія масава завозіць у Беларусь дроны, а вывозіць тэхніку і боепрыпасы
У Беларусь па стане на 10 кастрычніка завезлі ўжо 32 іранскія дроны-камікадзэ Shahed-136, паведамляе ГУР Мінабароны Украіны.
«У Беларусь паступаюць іранскія дроны-камікадзэ Shahed-136 (у арміі РФ перайменаваныя ў «Герань-2»). Па стане на 10 кастрычніка на тэрыторыю краіны былі завезеныя 32 названыя БПЛА, да 14 кастрычніка плануецца завезці яшчэ 8», — паведамляе ГУР.
У ГУР таксама паведамілі, што Беларусь дае акупацыйнай арміі матэрыяльна-тэхнічныя сродкі і боепрыпасы са сваіх складаў. У прыватнасці, на чыгуначную станцыю «Кіраўская» ў Крыме прыбыў чыгуначны эшалон з боепрыпасамі — 12 вагонаў (492 тоны), які быў адпраўлены з 43-га арсенала захоўвання ракет і боепрыпасаў УС Беларусі (Добруш, Гомельская вобласць).
У найбліжэйшы час, паводле ГУР, запланаванае перамяшчэнне 13 эшалонаў з узбраеннем і ваеннай тэхнікай (219 платформаў), боепрыпасамі (28 вагонаў) і ваенна-тэхнічнай маёмасцю з арсеналаў і баз захоўвання УС Беларусі.
У ролі асноўных «пастаўшчыкоў» выступаюць:
— 46 арсенал захоўвання ракет і боепрыпасаў (Бронная Гара, Брэсцкая вобл.);
— 43 арсенал захоўвання ракет і боепрыпасаў (Дубецкае, Гомельская вобл.);
— 391 артылерыйская база боепрыпасаў (Бобр, Мінская вобл.);
— 969 база рэзерву танкаў (Урэчча, Мінская вобл.);
— 288 база рэзерву аўтамабіляў (Старыя Дарогі, Мінская вобл.).
Грузы, паводле звестак ГУР, павінны прыбыць на чыгуначныя станцыі «Каменская» (Каменск-Шахцінскі) і «Марцава» (Таганрог) Растоўскай вобласці.
Днямі стала вядома, што Лукашэнка перакідвае танкі з беларускага стратэгічнага рэзерву ў Расію.
Цяпер чытаюць
Загінуў беларускі добраахвотнік Васіль «Дзір» Рапіцкі10
Каментары