Абмеркаванні мадэлі чатырохдзённага працоўнага тыдня ў Еўропе вядуцца даволі даўно. Эксперыменты ў апошні час актыўна праводзяцца ў розных краінах, а ў кожнай краіне ёсць свае асаблівасці, піша «Еўраньюс».
На днях аб пераводзе на «чатырохдзёнку» часткі прадпрыемстваў на працягу паўгода абвясцілі ў Партугаліі. Улады паведамілі, што скарачэнне заробкаў супрацоўнікам і фінансавая кампенсацыя дзяржавы наймальнікам не прадугледжаная.
Напрыклад, маштабны эксперымент у Ісландыі па ўкараненні чатырохдзённага працоўнага тыдня без зніжэння заробку паказаў эфектыўнасць такога рэжыму працы. Спецыялісты зафіксавалі зніжэнне ўзроўню стрэсу ў работнікаў. Прадукцыйнасць працы пры гэтым захавалася на ранейшым узроўні ці нават узрасла.
З 27 краін Еўрасаюза толькі ў пяці: Францыі, Фінляндыі, Даніі, Нідэрландах і Літве — сярэдняя працягласць працоўнага дня не перавышае 40 гадзін у тыдзень.
Вялікабрытанія таксама праводзіць сваё маштабнае выпрабаванне па вывучэнні скарачэння працоўнага часу, у аснове якога ляжыць мадэль 100:80:100 — 100 % аплаты, 80 % часу, 100 % прадукцыйнасці.
Эксперымент, які пачаўся ў чэрвені, працягнецца шэсць месяцаў і ахопіць 3300 работнікаў. Праект праводзіцца сумесна з глабальнай платформай 4 Day Week Global, якая ўзначальвае даследаванні на гэтую тэму. Прадстаўленыя ёю высновы паказваюць не толькі паляпшэнне самаадчування работнікаў, але і павышэнне прадукцыйнасці працы.
У Бельгіі запланавалі пераход на чатырохдзённы працоўны тыдзень, але без скарачэння працоўных гадзін. Мяркуецца, што грамадзяне будуць працаваць цяпер 9,5 гадзін у дзень.
Прафсаюзы ў пераважнай большасці выступаюць супраць чатырохдзённага працоўнага тыдня, паколькі бачаць у ёй перш за ўсё спробу ліквідаваць дасягненні работнікаў, адлюстраваныя ў законах аб васьмігадзінным працоўным дні.
Пілотны праект пераходу на чатырохдзённы працоўны тыдзень праваліўся ў іспанскім тэлекамунікацыйным гіганце Telefónica. Рабочыя адхілілі прапанову аб скарачэнні працоўнага дня і разам з гэтым заработнай платы.
-
Прэзідэнт Польшчы зноў запатрабаваў рэпарацый ад Германіі за Другую сусветную вайну
-
«Украіна ў НАТА — гэта дарога да грамадзянскай вайны». У Расіі раптам дасталі з шафы Януковіча — каб ён пахваліў Пуціна
-
Да яе прыставалі ў цягніку, яна ўдарыла туфляй. Выйшла кніга з эпізодам з юнацтва каралевы Камілы
Цяпер чытаюць
На лінейку ў «Мінск-Свеце» прыйшло столькі людзей, што бацькі стаялі за плотам. Але людзі абураны, што не ўсе класы паклікалі12
На лінейку ў «Мінск-Свеце» прыйшло столькі людзей, што бацькі стаялі за плотам. Але людзі абураны, што не ўсе класы паклікалі
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары
Литве?
пользуясь случаем, хочется передать очередной привет Свете