Што прыгатаваць? Фаршыраваныя кабачкі — сытнае і духмянае гарачае 

Каб зрабіць фаршыраваныя кабачкі, вам спатрэбіцца:

• 1 сярэдні кабачок, разрэзаны на дзве паловы ўпоперак
• 5 зубкоў часнаку
• 3 сталовыя лыжкі нарэзанага свежага чабару
• 3 сталовыя лыжкі аліўкавага алею + яшчэ трохі, каб змазаць кабачок
• 2 вялікія цыбуліны, нарэзаныя нядробна
• 500 грамаў ялавічнага фаршу
• 4 сталовыя лыжкі таматнага пюрэ (можна замяніць на таматную пасту ці кетчуп, лепей хатні)
• 450 грамаў памідораў
• 3 сталовыя лыжкі дробна нарэзанай пятрушкі + яшчэ трохі для падачы
• 3 узбітыя яйкі
• 75 грамаў цёртага пармезану + яшчэ трохі для падачы
• 75 грамаў цёртага сыру пекарына (можна замяніць на пармезан ці іншы цвёрды сыр)
• соль і молаты чорны перац

1. Разагрэйце духоўку да 180 градусаў. Падрыхтуйце вялікую форму для запякання і высцеліце яе фольгай, пакіньце краі фольгі звісаць з формы.
2. Давядзіце да кіпення ваду ў вялікім рондалі — у ім павінна хапіць месца для абедзвюх палоў кабачка. Трохі прыпраўце ваду соллю.
3. Лыжкай прыбярыце з кабачка насенне і кудзелістую мякаць, выкіньце іх. Дастаньце з кабачка прыкладна 120 грамаў мякаці так, каб у паловах атрымалася вялікая выемка, і адкладзіце гэтую мякаць.
4. Асцярожна апусціце паловы кабачкоў у рондаль з кіпучай вадой, адразу ж выключыце агонь і пакіньце кабачкі ў вадзе да таго часу, пакуль вы будзеце гатовыя іх ужываць паводле рэцэпта.
5. Здрабніце часнок і чабор (можна выкарыстоўваць ступку), дадайце соль і молаты чорны перац на смак. Разагрэйце ў патэльні аліўкавы алей, дадайце цыбулю, часнок і чабор, абсмажце да мяккасці. Дадайце фарш і смажце сумесь 10 хвілін, пакуль яна не падрумяніцца, пры гэтым пастаянна яе памешвайце.
6. Пакуль фарш гатуецца, пакладзіце памідоры ў міску, залейце іх кіпнем і пакіньце на 30 секунд. Дастаньце памідоры шумоўкай, прамыйце пад халоднай вадой і здыміце з іх скурку. Нарэжце памідоры вялікімі кавалкамі.
7. Дадайце да фаршу таматнае пюрэ ці кетчуп (можна яго напалову замяніць нарэзанымі вяленымі памідорамі), смажце яшчэ 5 хвілін. Нарэжце 120 грамаў мякаці кабачка, дадайце яе да фаршу і перамяшайце. Дадайце нарэзаныя памідоры і пятрушку і гатуйце сумесь на агні яшчэ 10 хвілін, пры гэтым перыядычна памешвайце.
8. Здыміце сумесь з агню і трохі астудзіце, а потым умяшайце ў яе яйкі (калі сумесь будзе занадта гарачай, яйкі звернуцца).
9. Дадайце ў патэльню з сумессю палову з нацёртых сыроў і добра перамяшайце.
10. Асцярожна прыбярыце паловы кабачка з гарачай вады, зліце ўсю ваду з іх цэнтра і пакладзіце іх у форму для запякання. Лыжкай кладзіце сумесь з фаршу ў кожную з паловаў кабачка, пакуль яны не напоўняцца. Акуратна злучыце паловы і змажце скурку кабачка алеем. Пасыпце кабачок рэшткамі цёртых сыроў. Абгарніце фольгу вакол кабачка, каб змацаваць яго, пакіньце ўверсе невялікі зазор.
11. Выпякайце ў папярэдне разагрэтай духоўцы каля 45 хвілін. Праз 45 хвілін павялічце тэмпературу ў духоўцы да 200 градусаў, раскрыйце фольгу і гатуйце яшчэ 5 хвілін, каб цёрты сыр падрумяніўся і стаў хрусткім. Дастаньце з духоўкі і адстаўце на 10 хвілін.
12. Для падачы нарэжце кабачок на колцы і пасыпце дадаткова пармезанам і пятрушкай, калі жадаеце.

Рэцэпт на выхадныя. Італьянскія фрыкадэлькі з кабачкамі — арыгінальная і карысная страва

Якую агародніну карысна ўжываць свежай, а што лепш падсмажыць?

Рэцэпт на выхадныя. Класічны хлебны пудынг — брытанская класіка на вашым стале

• 4
• 0
• 1
• 1
• 1
• 2
• 4
• 0