Ежа11

Рэцэпт на выхадныя. Італьянскія фрыкадэлькі з кабачкамі — арыгінальная і карысная страва

Гэтыя фрыкадэлькі ў італьянскім стылі не толькі маюць добры пах ды смак. Замест макароны гарнірам для іх служыць цукіні, што робіць страву менш каларыйнай ды больш вітаміннай.

Фота: BBC Food

Каб прыгатаваць італьянскія фрыкадэлькі з цукіні, вам спатрэбіцца:

  • 250 грамаў ялавічнага фаршу,
  • 2 цукіні сярэдняга памеру (трэба зняць з іх скурку, а калі кабачок досыць вялікі, вычысціць насенне знутры),
  • 1 невялікая цыбуліна (трэба яе дробна парэзаць),
  • 1 чайная лыжка прыправы (бярыце сумесь для сечанага мяса ці фрыкадэлек),
  • 1 здробнены зубок часнаку,
  • 220 грамаў нарэзаных кансерваваных памідораў,
  • 2 сталовыя лыжкі з горкай дробна нарэзанага лісця базіліку + дадатковы базілік для ўпрыгожвання,
  • трохі алею для смажання,
  • соль і чорны перац, лепш свежазмолаты.
  1. Пакладзіце ў міску фарш, палову цыбуліны і палову сумесі траў, дадайце трохі солі і перцу, добра вымешайце. Сфармуйце 10 невялікіх фрыкадэлек.
  2. Смажце фрыкадэлькі на глыбокай патэльні з тоўстым дном на працягу 5—7 хвілін. Перыядычна пераварочвайце іх, каб фрыкадэлькі падсмажыліся з усіх бакоў. Перакладзіце іх на талерку.
  3. Каб зрабіць падліўку, пакладзіце ў тую ж патэльню рэшту цыбулі і смажце яе на слабым агні на працягу трох хвілін, не забывайце перамешваць. Дадайце часнок і смажце яшчэ некалькі секунд.
  4. Дадайце ў патэльню памідоры, 300 мілілітраў вады, рэшту сумесі траў і базілік. Памешвайце і паступова давядзіце да кіпення. Вярніце фрыкадэлькі ў патэльню, трохі зменшыце агонь і тушыце ўсё на працягу 20 хвілін, пакуль соус не загусцее і фрыкадэлькі не будуць цалкам прапечаныя.
  5. У гэты час напоўніце каструльку вадой і давядзіце яе да кіпення. З дапамогай прылады для нарэзкі гародніны нарэжце цукіні на стужкі. Варыце іх у кіпячай вадзе на працягу хвіліны, працадзіце.
  6. Падзяліце цукіні на дзве порцыі і пакладзіце на талеркі, зверху размясціце фрыкадэлькі і соус. Упрыгожце базілікам.

Рэцэпт на выхадныя. Ягадныя тарталеткі — яркая выпечка для сезона садавіны

Рэцэпт на выхадныя. Халодны суп гаспача — тое, што трэба ў летнюю спёку

Каментары1

  • чипсы из картофельной кожуры
    09.07.2022
    возьмите говяжий фарш...цукини...базилик - это вообще что? что за экзотика? и где это взять?
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Еўрасаюз рыхтуе поўную забарону аперацый з беларускімі банкамі63

Еўрасаюз рыхтуе поўную забарону аперацый з беларускімі банкамі

Усе навіны →
Усе навіны

Ахматавец у Курскай вобласці расстраляў краму з гранатамёта. Z-каналы заклікалі пакараць яго, але позна2

Новы фільм з «дзіцём Беларусі». Як «Балерына» працягвае справу Джона Уіка7

У жанчыны ў Германіі нарадзіўся 100-ы праўнук

У Беларусі крытычна падае нараджальнасць. А як у суседніх краінах?16

Расіяне нанеслі масіраваны ўдар па Кіеве і Адэсе1

Актрыса Ганна Хітрык паведаміла, што рак вярнуўся6

Чаму ў сярэднім узросце наша талія павялічваецца? Прычына нечаканая1

Стала вядома, колькі людзей у Беларусі пакаралі за падзеж жывёлы2

Хто тыя людзі, якімі запоўнілі Нацыянальны футбольны стадыён пры яго адкрыцці?20

больш чытаных навін
больш лайканых навін

Еўрасаюз рыхтуе поўную забарону аперацый з беларускімі банкамі63

Еўрасаюз рыхтуе поўную забарону аперацый з беларускімі банкамі

Галоўнае
Усе навіны →

Заўвага:

 

 

 

 

Закрыць Паведаміць