Карпарацыя Meta, якая валодае сацсеткамі Facebook і Instagram, скароціць больш за 11 тысяч працоўных месцаў. Пра гэта яе кіраўнік Марк Цукерберг паведаміў у лісце да супрацоўнікаў у сераду, піша «Радыё Свабода».
Гэта першае маштабнае скарачэнне штату ў гісторыі кампаніі, якое адбываецца следам за першым у яе гісторыі прыпыненнем найму новага персаналу.
Пад скарачэнне трапіць прыблізна 13 % штату кампаніі. Звольненым супрацоўнікам Цукерберг паабяцаў кампенсацыю ў памеры заробку за 3,5 месяцы (16 тыдняў) + аднаго тыдня за кожны год працы ў кампаніі.
У кастрычніку акцыі карпарацыі абрынуліся на 20 % пасля публікацыі квартальных звестак, якія зафіксавалі зніжэнне выручкі і росту выдаткаў амаль на 20 %.
У сваім лісце Цукерберг заявіў, што на фоне пандэміі каранавіруснай інфекцыі ён пераацаніў рост попыту на анлайн-тэхналогіі і павялічыў інвестыцыі, а таксама згадаў пра спад эканомікі і скарачэнне рэкламных бюджэтаў.
З пачатку 2022 года акцыі Meta ўпалі больш чым на 70 %. Кампанія ўпершыню ў сваёй гісторыі сутыкнулася са скарачэннем колькасці ўнікальных карыстальнікаў фэйсбука.
-
«Уіткаф не ведае, пра што кажа». Спецпасланнік Трампа няправільна зразумеў Пуціна — Крэмль усё яшчэ хоча атрымаць чатыры ўкраінскія вобласці
-
Губернатар Аляскі гатовы прыняць гістарычную сустрэчу Трампа і Пуціна
-
Пуцін гатовы на спыненне вайны, калі яму падораць рэшту Данецкай вобласці — Славянск, Краматорск і Пакроўск
Каментары