Karparacyja Meta, jakaja vałodaje sacsietkami Facebook i Instagram, skarocić bolš za 11 tysiač pracoŭnych miescaŭ. Pra heta jaje kiraŭnik Mark Cukierbierh paviedamiŭ u liście da supracoŭnikaŭ u sieradu, piša «Radyjo Svaboda».
Heta pieršaje maštabnaje skaračeńnie štatu ŭ historyi kampanii, jakoje adbyvajecca śledam za pieršym u jaje historyi prypynieńniem najmu novaha piersanału.
Pad skaračeńnie trapić pryblizna 13 % štatu kampanii. Zvolnienym supracoŭnikam Cukierbierh paabiacaŭ kampiensacyju ŭ pamiery zarobku za 3,5 miesiacy (16 tydniaŭ) + adnaho tydnia za kožny hod pracy ŭ kampanii.
U kastryčniku akcyi karparacyi abrynulisia na 20 % paśla publikacyi kvartalnych źviestak, jakija zafiksavali źnižeńnie vyručki i rostu vydatkaŭ amal na 20 %.
U svaim liście Cukierbierh zajaviŭ, što na fonie pandemii karanavirusnaj infiekcyi jon pieraacaniŭ rost popytu na anłajn-technałohii i pavialičyŭ inviestycyi, a taksama zhadaŭ pra spad ekanomiki i skaračeńnie rekłamnych biudžetaŭ.
Z pačatku 2022 hoda akcyi Meta ŭpali bolš čym na 70 %. Kampanija ŭpieršyniu ŭ svajoj historyi sutyknułasia sa skaračeńniem kolkaści ŭnikalnych karystalnikaŭ fejsbuka.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary