Нашых паўднёвых суседзяў ад плей-оф чэмпіянату свету аддзяляе цяпер поўміліметра – перамога ў наступную сераду над Андорай.
Зборная Украіны ў Днепрапятроўску перамагла сёння, 10 кастрычніка, зборную Англіі з лікам 1:0.
Адзін мяч у сустрэчы забіў на 29-й хвіліне Сяргей Назарэнка («Днепр» Днепрапятроўск). Ужо на 14-й хвіліне чырвоную картку атрымаў варатар брытанцаў Роберт Грын. Прычым пенальці не рэалізаваў Андрэй Шаўчэнка (трапіў у штангу).
Два гады таму менавіта харваты не пусцілі Англію на чэмпіянат Еўропы па футболе, абыграўшы іх на "Уэмблі". Помста Англіі была жорсткай: два гучныя накаўты ў матчах між сабой (4:1 у Заграбе, 5:1 у Лондане), а цяпер параза ад ўкраінцаў.
Нагадаем, што сёння зборная Беларусі перамагла ў Брэсце Казахстан – 4:0 (Калачоў – 2, Бардачоў, Ковель).
Турнірнае становішча пасля 9 гульняў: Англія – 24, Украіна – 18, Харватыя – 17, Беларусь – 13, Казахстан – 6, Андора – 0.
Англія яшчэ месяц таму выйшла на чэмпіянат свету.
14 кастрычніка, у сераду, пройдзе апошні тур кваліфікацыйнага турніру. У Лондане згуляюць Англія – Беларусь,
Украіна на выездзе згуляе з Андорай, а Харватыя – з Казахстанам.
Каб трапіць у стыкавыя матчы Украіне трэба перамагчы Андору, што прайграла ўсе матчы ў гэтым турніры.
***
У стыкавыя матчы таксама трапіла зборная Расіі, што сёння прайграла ў Маскве Нямеччыне (0:1), але зсталася другой у сваёй групе,
і зборная Босніі, што перайграла ў Таліне Эстонію – 2:0. Туркі ў лепшым выпадку будуць у сваёй групе трэцімі.
Каментары