Našych paŭdniovych susiedziaŭ ad plej-of čempijanatu śvietu adździalaje ciapier poŭmilimietra – pieramoha ŭ nastupnuju sieradu nad Andoraj.
Zbornaja Ukrainy ŭ Dnieprapiatroŭsku pieramahła siońnia, 10 kastryčnika, zbornuju Anhlii ź likam 1:0.
Adzin miač u sustrečy zabiŭ na 29-j chvilinie Siarhiej Nazarenka («Dniepr» Dnieprapiatroŭsk). Užo na 14-j chvilinie čyrvonuju kartku atrymaŭ varatar brytancaŭ Robiert Hryn. Pryčym pienalci nie realizavaŭ Andrej Šaŭčenka (trapiŭ u štanhu).
Dva hady tamu mienavita charvaty nie puścili Anhliju na čempijanat Jeŭropy pa futbole, abyhraŭšy ich na "Uembli". Pomsta Anhlii była žorstkaj: dva hučnyja nakaŭty ŭ matčach miž saboj (4:1 u Zahrabie, 5:1 u Łondanie), a ciapier paraza ad ŭkraincaŭ.
Nahadajem, što siońnia zbornaja Biełarusi pieramahła ŭ Breście Kazachstan – 4:0 (Kałačoŭ – 2, Bardačoŭ, Koviel).
Turnirnaje stanovišča paśla 9 hulniaŭ: Anhlija – 24, Ukraina – 18, Charvatyja – 17, Biełaruś – 13, Kazachstan – 6, Andora – 0.
Anhlija jašče miesiac tamu vyjšła na čempijanat śvietu.
14 kastryčnika, u sieradu, projdzie apošni tur kvalifikacyjnaha turniru. U Łondanie zhulajuć Anhlija – Biełaruś,
Ukraina na vyjeździe zhulaje z Andoraj, a Charvatyja – z Kazachstanam.
Kab trapić u stykavyja matčy Ukrainie treba pieramahčy Andoru, što prajhrała ŭsie matčy ŭ hetym turniry.
***
U stykavyja matčy taksama trapiła zbornaja Rasii, što siońnia prajhrała ŭ Maskvie Niamieččynie (0:1), ale zstałasia druhoj u svajoj hrupie,
i zbornaja Bośnii, što pierajhrała ŭ Talinie Estoniju – 2:0. Turki ŭ lepšym vypadku buduć u svajoj hrupie trecimi.
Kamientary