Грамадства77

Дзяржаўныя прапагандысты расказалі пра жанчыну, якую Лукашэнка нібыта «практычна выцягнуў з морга»

Падчас размовы з міністрам аховы здароўя 5 снежня Аляксандр Лукашэнка расказаў пра беларуску, якая «павольна памірала на ШВЛ у Шклоўскім раёне». Палітык адзначыў, што яе ўдалося выратаваць толькі пасля яго асабістага ўмяшання. Цяпер тэлеканал АНТ распавёў гісторыю той жанчыны, піша «Зеркало».

Паведамляецца, што ў верасні 53-гадовую жанчыну лячылі ад кавіду ў бальніцы Шклова, а ў лістападзе прааперыравалі з нагоды вострага апендыцыту. Пасля гэтага жанчына знаходзілася ў аддзяленнях хірургіі і рэанімацыі, але пасля яе стан пачаў пагаршацца.

«Стан пагоршыўся, таму што інфекцыя і агульны стан арганізма, які меўся, былі даволі складаныя для лячэння ва ўмовах Шклоўскай раённай бальніцы», — распавёў начальнік Галоўнага ўпраўлення па ахове здароўя Магілёўскага аблвыканкама Аляксандр Старавойтаў.

У Шклоў тады прыбылі кансультанты, ацанілі магчымасці транспарціроўкі і стан пацыенткі. І толькі пасля гэтага вырашылі — трэба адпраўляць у Магілёў. Так беларуска і апынулася ў рэанімацыі абласной бальніцы.

Па словах загадчыка аддзялення анестэзіялогіі і рэанімацыі Магілёўскай абласной клінічнай бальніцы Валерыя Пячэрскага, у працэсе лячэння і кансультацыі са спецыялістамі з Мінска лекарам удалося зняць яе з ШВЛ, але пакуль жанчына застаецца слабай. Яе стан — цяжкі стабільны.

Напярэдадні Лукашэнка распавёў гісторыю пра жанчыну, якая трапіла ў бальніцу ў Шклоўскім раёне і, па яго словах, знаходзілася пры смерці. Палітык адзначыў, што яе ўдалося выратаваць толькі пасля яго асабістага ўмяшання.

«Знаходзячыся чарговы раз у вёсцы, працую там, [чую] — па вёсцы бяжыць мужык і крычыць голасна, вымаўляючы маё імя і імя па бацьку. Я кажу: «Паглядзіце, што чалавек хоча». Падышлі да яго, перадаюць ліст: «Аляксандр Рыгоравіч, ратуйце ці то маю жонку, ці то жанчыну — усё адно, чалавека». Дзе? Што? У шклоўскай бальніцы. Як я зараз кажу, практычна ў моргу, апошнія хвіліны жыве.

Натуральна, я не мог не адрэагаваць. Паслаў туды свайго лекара, прыязджаюць: «Так, прагноз несуцяшальны. Фактычна памерла». Я кажу: «Займайцеся». Перавезлі ў Магілёў. Кожны фактычна вечар мне дакладвалі стан чалавека — асацыяльнага чалавека, але чалавека», — сказаў Лукашэнка.

Каментары7

  • Грышка
    07.12.2022
    Практычна выцягнуў з морга? Я здзіўлены, што Лукашэнка не зацягнуў яе ў турму.
  • #*
    07.12.2022
    Значит врачи Шкловский больницы оставили умирать так как сделали всё что смогли но вмешался президент и не дал умереть? Может ему лучше главврачом работать? И не давать возможности умирать тяжело больным пациентам? А может врачи должны спасать людей а не президент? Без указки с верху ничего не работает? А почему он не всём на помощь приходит? А может Марвел ошибся и ему нужен наш супергерой? Эта история не говорит о спасении, она говорит о проблеме! Спасли человека, это хорошо!
  • Беня
    07.12.2022
    В Эфиопии задержали мужчину, который называл себя пророком и пытался воскресить мертвого...
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Главное»: хто стаіць за найбольшай сеткай рэгіянальных тэлеграм-каналаў Беларусі. Яе сляды вядуць у Расію4

«Главное»: хто стаіць за найбольшай сеткай рэгіянальных тэлеграм-каналаў Беларусі. Яе сляды вядуць у Расію

Усе навіны →
Усе навіны

Хрыста Грозеў: Мельнікава як мінімум год, а хутчэй за ўсё, паўтара перадавала інфармацыю беларускім спецслужбам63

У Турцыі знікла беларуска з хлопчыкам2

Колю Лукашэнку занеслі на дошку гонару БДУ15

У Мінску знайшлі на вуліцы незвычайнага павука1

Ілан Маск вырашыў адысці ад палітыкі і вярнуцца да сваіх праектаў у космасе2

Расія пачала сцягваць свае войскі да мяжы ў раёне Харкава3

Адмова ад макароны, бульбы і хлеба ўсяго два дні на тыдзень можа даць той жа эфект, што і інтэрвальнае галаданне5

На наступным тыдні беларусаў чакае камфортнае надвор'е

Кандыдат у прэзідэнты Польшчы падчас тэледэбатаў ужываў стымуляцыйнае рэчыва. Гэта выклікала вялікі рэзананс18

больш чытаных навін
больш лайканых навін

«Главное»: хто стаіць за найбольшай сеткай рэгіянальных тэлеграм-каналаў Беларусі. Яе сляды вядуць у Расію4

«Главное»: хто стаіць за найбольшай сеткай рэгіянальных тэлеграм-каналаў Беларусі. Яе сляды вядуць у Расію

Галоўнае
Усе навіны →

Заўвага:

 

 

 

 

Закрыць Паведаміць