Грамадства

Бізнэсмен Аляксандр Мураўёў пераведзены з калоніі на «хімію» і, імаверна, неўзабаве выйдзе на волю 

Як стала вядома «Нашай Ніве», бізнэсмен Аляксандр Мураўёў, які ў 2017-м годзе атрымаў 11 год калоніі строгага рэжыму з канфіскацыяй па «справе Мотавела», імаверна, хутка акажацца на волі — яму ўжо змянілі меру ўтрымання. 

Архіўны здымак. Аляксандр Мураўёў, фота Сяргея Гудзіліна

Аляксандр Мураўёў быў затрыманы ў 2015-м годзе, на той момант ён займаў 36-ты радок у рэйтынгу топ-200 самых паспяховых бізнэсменаў Беларусі. 

Нагодай для затрымання стаў стан справаў на шматпакутным мінскім «Мотавела», які знаходзіўся ў кіраванні структур Мураўёва з 2007-га. 

У жніўні 2007 года Беларусь прадала 99,72% статутнага фонду ААТ «Мотавела» аўстрыйскай кампаніі ATEC Holding GmbH, якая належала Мураўёву. 

Аднак праз пяць гадоў, у верасні 2013-га, Аляксандр Лукашэнка наведаў «Мотавела», застаўся незадаволены яго працай і запатрабаваў безумоўнага выканання планаў па яго развіцці.

Лукашэнка тады нагадаў, што адной з найбольш важных умоў продажу «Мотавела» было захаванне яго спецыялізацыі і ўкладанне ў 2007—2012 гадах у развіццё вытворчасці не менш за 20 млн даляраў, аднак пастаўленыя ўмовы былі выкананыя толькі часткова, а чвэрць плошчаў здавалася ў арэнду. 

У чэрвені 2015 года Мураўёў быў затрыманы. Пытанні ў следства былі не толькі да працы «Мотавела», але і шклозаводаў у Ялізаве і Гомелі, створаных з удзелам АТЕС Holding GmbН. Шклозавод «Ялізава» быў прызнаны банкрутам.

У 2017-м Мураўёва судзілі і прызналі вінаватым па ўсіх злачынствах, якія яму ставіліся ў віну: махлярства (ч. 4 арт. 209), крадзеж (ч. 4 арт. 210), ухіленне ад выплаты падаткаў (ч. 2 арт. 243), арганізацыя і дапамога ў здзяйсненні злачынстваў (арт. 16).

Пасля прысуду ў 11 год па рашэнні суда дзяржаве адышлі і ўсе акцыі ААТ «Мотавела», якія належалі Мураўёву.

На судзе Мураўёў казаў, што ў КДБ у яго вымагалі грошы.

Як вядома «Нашай Ніве», у выніку шэрагу амністый і адсутнасці спагнанняў, Аляксандр Мураўёў ужо пераведзены з калоніі строгага рэжыму ў адну з калоній-пасяленняў (гэтак званая «хімія»). 

Таксама вядома, што Мураўёў, які дасканала валодае нямецкай мовай (нейкі час ён жыў у Аўстрыі), вучыць ёй іншых вязняў. 

Імаверна, праз нейкі час ён акажацца цалкам на свабодзе. 

Каментары

Цяпер чытаюць

Зніклую ў М'янме Веру Краўцову знайшлі мёртвай5

Зніклую ў М'янме Веру Краўцову знайшлі мёртвай

Усе навіны →
Усе навіны

Скам-фабрыкі ў М'янме — што гэта і як працуюць. На адну з такіх, верагодна, вывезлі і беларуску Веру5

Сын вядомага праўладнага сацыёлага Мусіенкі папрасіў міжнароднай абароны ў Польшчы6

Тэлефонныя махляры сталі часцей мімікраваць пад аператараў мабільнай сувязі. Як працуе схема?1

Беларуска заплаціла 1000 еўра за пошук польскіх каранёў, а атрымала фота падробленага ўкраінскага дакумента8

Ці можа супрацоўнік працаваць без выхадных, калі ён гэтага сам жадае?

Настасся Касцюгова сустракаецца з комікам Максімам Канавалам. Яна расказала, як ім жывецца разам13

У Гродне тэстуюць незвычайную ілюмінацыю на коле агляду. Гэта варта пабачыць1

Трамп заявіў, што Індыя паабяцала не купляць расійскую нафту2

Спявачка Рыта Дакота вучыцца разам з мужам на хрысціянскага псіхолага2

больш чытаных навін
больш лайканых навін

Зніклую ў М'янме Веру Краўцову знайшлі мёртвай5

Зніклую ў М'янме Веру Краўцову знайшлі мёртвай

Галоўнае
Усе навіны →

Заўвага:

 

 

 

 

Закрыць Паведаміць