Расія адвяла 12 баявых верталётаў ад мяжы Беларусі і Украіны. Тэхніку перабазіравалі з аэрадрома Лунінец на поўдні Беларусі ў цэнтр краіны — на аэрадром Мачулішчы пад Мінскам. Пра гэта паведамляе маніторынгавая група «Беларускі Гаюн».
Гаворка тут вядзецца пра верталёты, перакінутыя з Мачулішчаў у Лунінец 19 студзеня. Тады Расія размясціла за 50 км ад украінскай мяжы 11 верталётаў ВКС РФ, сярод якіх былі Мі-8 і Мі-24. Цяпер жа яны ўсе вярнуліся назад.
Паводле інфармацыі «Беларускага Гаюна», гэта адбылося раніцай 5 лютага ў перыяд паміж 09:00 і 10:30.
Каментары