«Няма паўнамоцтваў». Актывіст Ілля Міронаў, які скардзіўся на тэлеграм-канал «Жоўтыя злівы», атрымаў адказ ад Мінінформа
Гомельскі актывіст Ілля Міронаў атрымаў адказ на свой зварот, у якім ён прасіў вынесці папярэджанне аўтарам рэсурсу, што распальвае нянавісць у грамадстве. Але Мінінфармацыі адмовілася рэагаваць на кантэнт канала і прапанавала пайсці ў суд, піша «Штодзень».
«Інфармуем, што тэлеграм-канал «Жоўтыя злівы» не зарэгістраваны ў Мінінфармацыі ў якасці сеткавага выдання і, адпаведна, сродкам масавай інфармацыі не з’яўляецца (…). Мера рэагавання, якую Вы згадвалі ў звароце, ужываецца ў дачыненні да рэдакцый СМІ альбо ўласнікаў сеткавых выданняў (…). У Міністэрства адсутнічаюць паўнамоцтвы адносна адкрыцця ў дачыненні да асобаў, якія здзейснілі ўчынкі, што пасягаюць на парадак кіравання, адміністрацыйна-дэліктнага і крымінальна-працэсуальных вытворчасцяў», — пішуць аўтары адказу.
У дакуменце, падпісаным намеснікам міністра інфармацыі Ігарам Бузоўскім, аўтару звароту параілі звярнуцца ў суд для абароны гонару і годнасці.
Сілавікі расказалі, як гродзенскія блогеры трацілі мільён, сабраны нібыта на лячэнне дзіцяці5
Каментары