У Баранавічах васьмігадовы школьнік падазраецца ў падманным паведамленні аб закладзенай пад жылым домам бомбе.
Як паведамілі ў Баранавіцкім ГАУС, 3 лістапада ў 15.44 у міліцыю звярнулася мясцовая пенсіянерка. Жанчына паведаміла, што ёй пазваніў невядомы і заявіў аб закладзенай бомбе пад пяціпавярховым шматкватэрным домам, дзе яна жыве.
На месца здарэння прыбыла следча‑аператыўная група Баранавіцкага ГАУС, супрацоўнікі МНС і група размініравання. Праводзілася эвакуацыя 156 чалавек.
Сапёрамі пры непасрэдным удзеле службова‑вышуковага сабакі выбухованебяспечных прадметаў знойдзена не было.
На працягу некалькіх хвілін пасля званка пенсіянеркі ў міліцыю супрацоўнікамі ГАУС быў вызначаны нумар тэлефона, з якога ёй званіў невядомы.
Следча‑аператыўнай групай устаноўлена, што з гэтага тэлефона званіў васьмігадовы вучань адной са школ горада.
Паводле яго слоў, ён званіў сваёй маці, памыліўся з нумарам і вырашыў пасмяяцца з жанчыны, якая падняла трубку. Праводзіцца праверка.
Як зазначылі ў Баранавіцкім ГВУС, з‑за свайго ўзросту гэты школьнік не падлягае прыцягненню да крымінальнай адказнасці за заведама падманнае паведамленне аб небяспецы. Але яго бацькам, хутчэй за ўсё, давядзецца заплаціць за выезд і працу адпаведных службаў, якія былі задзейнічаныя ў пошуку выбухованебяспечнага прадмета.
А гэта можа складаць некалькі мільёнаў рублёў.
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце6
Каментары