У Беларусі забаранілі прадаваць шапку для лазні з прапагандай расійскага мілітарызму. Але збянтэжыла не гэта
У адной з крам Оршы праверка Віцебскай абласной інспекцыяй Дзяржстандарту выявіла неадпаведную тэхнічным рэгламентам прадукцыю расійскай вытворчасці. У шапцы для лазні аказалася ў 10 разоў менш воўны, чым было заяўлена на этыкетцы, паведамляюць «Народныя навіны Віцебска».
У апісанні да шапкі гандлёвай маркі HotPot, вырабленай ТАА «Профіт» у Маскве, было пазначана, што яе матэрыял на 70% складаецца з воўны і на 30% — з поліэстру. Калі ж кантралёры яе праверылі, то поліэстру аказалася там 93%, а воўны толькі 7% — у 10 разоў менш за заяўленае, паведамляе Віцебская абласная інспекцыя Дзяржстандарту.
Натуральна, што такая шапка была прызнаная неадпаведнай патрабаванням Тэхнічнага рэгламенту Мытнага саюза, які, праўда, дапускае адхіленне фактычнага ўтрымання сыравіны, але не больш чым на 5%.
Каментары