Сёньня з Полацку выправілася традыцыйная пілігрымка ў Росіцу – месца пакутніцкай сьмерці беларускіх ксяндзоў-марыянаў Антонія Ляшчэвіча й Юрыя Кашыры.
Сёньня з Полацку выправілася традыцыйная пілігрымка ў Росіцу – месца пакутніцкай сьмерці беларускіх ксяндзоў-марыянаў Антонія Ляшчэвіча й Юрыя Кашыры. У пілігрымцы ўдзельнічае 70 вернікаў з Полаччыны, а таксама з Барысаву, Воршы, Жодзіна, Глыбокага ды іншых гарадоў. Заўтра ў Росіцу накіруецца яшчэ адна пілігрымка, з Друі – цэнтру беларускіх марыянаў.
Ксяндзы Антоні Ляшчэвіч й Юры Кашыра прынялі пакутніцкую сьмерць разам з жыхарамі Росіцы, што на Дрысеншчыне. У лютым 1943 году карнікі з Латыскага легіёну загналі людзей у адрыну й спалілі жыўцом.
Сем гадоў таму Папа Рымскі Ян Павал ІІ далучыў памянёных ксяндзоў да ліку сьвятых, і з гэтай нагоды на месцы Росіцкай трагедыі ладзяцца штогадовыя ўрачыстасьці. Сёлета яны пачнуцца 11 жніўня, і ў іх маюць узяць удзел вышэйшыя касьцёльныя дастойнікі зь Беларусі, а таксама госьці з Ватыкану, Польшчы, Італіі, Латвіі ды іншых краінаў.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА116
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары