На Беларускай універсальнай таварнай біржы (БУТБ) упершыню прадалі партыю труфеляў. Агульная сума чатырох здзелак склала 97 тыс. рублёў, паведамляе Office Life са спасылкай на прэс-службу біржы.

У кампаніі «Малочны свет» Office Life пацвердзілі, што труфелі набылі яны. А патрэбна гэта ім для вытворчасці сыроў. Раней неабходныя аб'ёмы закупкі труфеляў былі меншыя, таму да паслуг таварнай біржы не звярталіся. А цяпер узнікла патрэба.
У кампаніі «Малочны свет» ёсць прэміяльная лінейка сыроў з труфелем, у тым ліку сыр «Кронэс» з чорным і белым труфелямі. Само прадпрыемства — адзін з лідараў малочнай прамысловасці Беларусі з аб'ёмам перапрацоўкі сыравіны каля 530 тыс. тон у год, пазначана на сайце прадпрыемства. Доля экспарту ў аб'ёме вытворчасці ў 2021 годзе склала больш за 70%.
Набытая партыя труфеляў — еўрапейскай вытворчасці, але прадавец — рэзідэнт Беларусі.
Каментары
То есть купили у посредника-перекупщика? А значит гораздо дороже чем у производителя.