Эканоміка1010

Чыж: Пакуль я сядзеў, сям’я скарысталася сітуацыяй і завалодала бізнэсам

«Ёсць праблемы па валоданні бізнэсам: сям'я скарысталася сітуацыяй, прыйшла да кіравання асноўнай часткі кампаній і сёння катэгарычна не бачыць майго ўдзелу ў справах, — падзяліўся з «Народнай Воляй» некаторымі падрабязнасцямі свайго жыцця Юрый Чыж.

Юрый Чыж. Фота: «Народная Воля»

— У вашым валоданні нешта засталося?

— Крамы «Прастор», шэраг сацыяльных праектаў — хакейны клуб «Собаль», лядовая арэна ў Бярозе і этнічны цэнтр «Собалі», які буду дабудоўваць і развіваць.

— Як вашыя дзеці развіваюць бізнэс?

— У маёй былой сям'і не стаіць задача развіваць бізнэс, усё ідзе да таго, каб распрадаць актывы… Так, некалькі кампаній рыхтуюць да банкруцтва, а фармацэўтычны бізнэс прадаюць. Акрамя таго, распрадаюць і іншыя актывы, у тым ліку і сацыяльнага прызначэння.

У парушэнне палажэнняў дэкрэта Лукашэнкі прызначылі дырэктарам СТАА «ТрайпФарм» менеджара, якога я звольніў з гэтай пасады па дыскрэдытуючых абставінах, з чым у свой час пагадзіўся і суд. Я напісаў скаргу ў Адміністрацыю Лукашэнкі, але больш за два месяцы нічога не адбываецца. Атрымліваецца, што дэкрэты можна парушаць? Хачу звярнуць увагу, што гаворка ідзе пра такую сферу бізнэсу, якая звязана з жыццём чалавека.

— Вы аформілі свой бізнэс на дзяцей тады, калі ўпершыню трапілі пад санкцыі Еўрасаюза?

— Так, аформіў, але фактычным уласнікам заўсёды заставаўся я.

Зараз разам з адвакатамі рыхтую шэраг пазоваў у суд, аднак праваахоўныя органы па маіх заявах зацягваюць праверкі, і ў мяне няма магчымасці знаёміцца з матэрыяламі праверак. Але я цярплівы, пачакаю…

— Вы са Святланай Барысаўнай афіцыйна развяліся?

— Так, з пятага разу. На мой погляд, прадстаўнікі жонкі зацягвалі працэс: то няяўкамі ў суд, то непрадстаўленнем дакументаў.

— Дзе цяпер жывяце?

— Як і раней — у Лагожаску.

— Вы сышлі з сям'і адразу пасля выхаду з СІЗА?

— Так. Зразумеў, што дома мяне зусім не чакалі. Таму вырашыў нікому не замінаць.

— Потым размаўлялі?

— Было пару спроб медыяцыі, але не атрымалася.

— Перамір'е магчыма? Кажуць жа: моцныя людзі могуць дараваць…

— Я не трымаю зла…

— Да вашага апошняга зняволення ў вас з жонкай былі нармальныя адносіны?

— Мы ўжо не жылі разам.

Побач з вамі сёння ёсць іншая жанчына?

— Няма. Адзін. Месца вакантнае.

— Атрымліваецца, сёння вы вымушаныя фактычна ўсё чарговы раз пачынаць з нуля. Вас гэта не палохае?

— Я не збіраюся пачынаць з нуля. Я вярну ўсё, што мне належыць.

Як і абяцаў, зраблю ўсё магчымае, каб захаваць працоўныя месцы, захаваць і развіваць мае сацыяльныя праекты. Захаваць усе прадпрыемствы і асабліва — такое стратэгічна важнае для нашай краіны, як фармацэўтычны завод у горадзе Лагойску.

Каментары10

  • Макарэнка
    12.05.2023
    Добрую сям'ю стварыў спадарку, добрую. Было пэўна ў каго навуку пераймаць...
  • BLR
    12.05.2023
    Так сям'я, ці павукі ў банцы?
  • No
    12.05.2023
    Ён мазахіст, калі гэта яму усё падабаецца.
    З якога "нуля"? У былога "фаварыта" сіняпала засталась частка бізнесу. Чалавек не бедны і мае грошы

Цяпер чытаюць

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная16

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная

Усе навіны →
Усе навіны

Трамп вымушана спыняе рэйды супраць імігрантаў у сельскай гаспадарцы і гатэльным бізнэсе3

Навукоўцы знайшлі просты спосаб паспрыяць росту раслін — музыка, але не кожная20

Ryanair будзе штрафаваць пасажыраў, якія парушаюць парадак1

У Гомелі 7 гадоў таму пабудавалі прыбіральню ледзь не за мільён даляраў. Як у ёй цяпер?4

У Дубаі загарэўся 67-павярховы хмарачос3

Што можа чакаць тых, каго будуць судзіць па справе «Беларускага Гаюна»?

Лукашэнка парэкамендаваў беларусам не налягаць на бульбу13

Ізраільцянам прыходзяць шпіёнскія паведамленні ад карэспандэнткі АНТ10

Усплёскі заказаў піцы каля Пентагона маглі сведчыць пра будучую атаку на Іран9

больш чытаных навін
больш лайканых навін

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная16

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная

Галоўнае
Усе навіны →

Заўвага:

 

 

 

 

Закрыць Паведаміць