У Беларусі выявілі новы від малярыйнага камара, які з'явіўся ў Мінску
Беларускія навукоўцы выявілі новы від малярыйнага камара, які з'явіўся ў Мінску. Пра гэта распавяла малодшая навуковая супрацоўніца Дзяржаўнага навукова-вытворчага аб'яднання «Навукова-практычны цэнтр Нацыянальнай акадэміі навук па біярэсурсах» Дыяна Сусла, піша «Камсамольская праўда».
Новы від камара.
На тэрыторыі Беларусі ёсць 42 віды кровасысучых камароў. Што тычыцца малярыйных камароў, то іх 6 відаў, адзначыла спецыялістка. Разам з тым яна заявіла, што ўпершыню новы від адкрылі малекулярна-генетычнымі метадамі.
«Ён быў знойдзены на тэрыторыі Гомельскага Палесся і на тэрыторыі Мінска», — адзначыла Сусла.
Каментары