Гісторыя11

У архіве знайшлі дакументы, датычныя вучобы Максіма Багдановіча

У спецыялізаванай фэйсбук-суполцы «Максім перадусім» выставілі копіі дакументаў, знойдзеныя ў Цэнтральным дзяржаўным архіве Масквы.

У фондзе 459, вопісе 3, справе 6223 гэтага архіва захоўваюцца дакументы Яраслаўскай мужчынскай гімназіі, дзе вучыўся Максім Багдановіч. У 1911 годзе ён здаваў экзамены, каб атрымаць атэстат сталасці, і пра яго ў спісе асоб, якія выказалі жаданне іх прайсці, таксама ёсць згадка. «Сярэдні бал атэстата Максіма Багдановіча — 3,6666666…» — адзначае супрацоўніца Літаратурнага музея Максіма Багдановіча.

У дакуменце адносна Багдановіча пазначаны наступныя факты:

дата нараджэння — 27 лістапада 1891 года,

месца нараджэння — Мінск,

веравызнанне — праваслаўнае,

сын калежскага асэсара,

паводзіны — выдатныя,

дапушчаны да экзаменаў,

пісьмовыя іспыты і адзнакі: руская мова з царкоўнаславянскай і славеснасць (5), матэматыка (3),

вусныя іспыты: закон Божы (3), руская мова з царкоўнаславянскай і славеснасць (5), лацінская мова (4), матэматыка (3), гісторыя (4), нямецкая мова (3), французская мова (4).

Акрамя таго, у суполцы выставілі і ўзоры задач, якія даводзілася разам з іншымі навучэнцамі рашаць маладому Максіму па алгебры, арыфметыцы і геаметрыі.

Выкладчык вышэйшай матэматыкі БДУ на просьбу музейнай супрацоўніцы ацаніў складанасць гэтых задач наступным чынам:

«Пра біном і суму геаметрычнай прагрэсіі мы сёння гаворым толькі на першым курсе. Але ў цэлым першая задача не смяротная. Задача па арыфметыцы нармальная па тых часах, але сёння наўрад ці многія разлічаць, як атрымаць 15% прыбытку. Стэрэаметрыя была жахлівай заўсёды і застанецца такой у будучыні».

Максім Багдановіч з гэтымі задачамі спраўляўся, але нельга сказаць, што яны яму лёгка даваліся.

«Дарэчы, па матэматыцы Максім атрымаў 3 балы (у адрозненне ад малодшага брата Льва, у якога поспехі ў матэматыцы нават адзначаныя ў атэстаце сталасці)», — адзначае супрацоўніца музея.

Каментары1

  • Снид
    12.06.2023
    прикольно, углы в секундах в стереометрии... они там книжки с таблицами что ли юзали?
    а потом в столбик десятичные дроби перемножать? весело...

Цяпер чытаюць

Легендарная журналістка Любоў Лунёва расказала пра Віктара Лукашэнку і аднакурснікаў, стварэнне «Вясны» і палітычны бамонд

Легендарная журналістка Любоў Лунёва расказала пра Віктара Лукашэнку і аднакурснікаў, стварэнне «Вясны» і палітычны бамонд

Усе навіны →
Усе навіны

Прадпрымальніка з Мінска адправілі ў калонію па чатырох палітычных артыкулах

Бойфрэнд Арыны Сабаленкі стаў саўладальнікам французскага футбольнага клуба2

Шасцігадовы сын галкіпера «Баварыі» памёр пасля працяглай хваробы

Палітвязень расказаў, як звычайныя крымінальнікі аб’явілі галадоўку, каб палепшыць умовы ўтрымання палітычных5

Дадаў цыянід у пратэінавы напой. Стаматолаг атруціў жонку, а затым спрабаваў забіць следчага3

Масіраваная атака БПЛА на Расію: пажары на нафтазаводах, радыёзаводзе і выбухі каля вайсковага аэрадрома6

Расіяне выбралі, які помнік будзе пастаўлены ў Гомелі31

Штучны інтэлект можа прывесці да вымірання чалавецтва, папярэджваюць эксперты14

Папулярны блогер Пан Усялян другі раз стаў татам14

больш чытаных навін
больш лайканых навін

Легендарная журналістка Любоў Лунёва расказала пра Віктара Лукашэнку і аднакурснікаў, стварэнне «Вясны» і палітычны бамонд

Легендарная журналістка Любоў Лунёва расказала пра Віктара Лукашэнку і аднакурснікаў, стварэнне «Вясны» і палітычны бамонд

Галоўнае
Усе навіны →

Заўвага:

 

 

 

 

Закрыць Паведаміць