На некаторыя прафесіі і пасады будуць браць нават без дазволу на пастаяннае жыхарства ў Беларусі
У Беларусі зацвердзілі на 2023 год спіс прафесій і пасад, на якія прыцягваюцца іншаземцы або асобы без грамадзянства, якія не маюць дазволу на пастаяннае жыхарства, без уліку абмежаванняў па абароне нацыянальнага рынку працы. Зроблена гэта пастановай Мінпрацы ад 1 чэрвеня 2023 года №17.
Пастанову апублікавалі сёння на Нацыянальным прававым партале, яна ўступае ў сілу з 1 ліпеня 2023 года.
У пералік уключаныя наступныя рабочыя прафесіі: кіроўца аўтамабіля; слесар-рамонтнік; трактарыст-машыніст сельскагаспадарчай вытворчасці; швачка; электраманцёр па рамонце і абслугоўванні электраабсталявання.
Таксама ў спісе ёсць наступныя пасады: ветэрынарны лекар; лекар-спецыяліст (усіх медыцынскіх спецыяльнасцяў); інжынер; медыцынская сястра і медыцынскі брат (усіх медыцынскіх спецыяльнасцяў); фельчар (усіх медыцынскіх спецыяльнасцяў).
Такое рашэнне відавочна тлумачыцца дэфіцытам кадраў, звязаным з масавым адтокам людзей з краіны праз маштабныя палітычныя рэпрэсіі і саўдзел рэжыму Лукашэнкі ў агрэсіі Расіі супраць Украіны. Па розных ацэнках, Беларусь пакінулі за апошнія тры гады ад некалькіх дзясяткаў тысяч да некалькіх соцень тысяч чалавек, прытым у некаторых сферах, як у той жа медыцыне, дэфіцыт кадраў проста жахлівы, і яго не можа хаваць нават дзяржаўная статыстыка.
Новае запрыгоньванне медыкаў: улады мяняюць правілы ардынатуры — з адпрацоўкай пяць гадоў і гіганцкімі штрафамі
У Мінску не хапае 3500 медыкаў, а ў Польшчу за год пераехала столькі, што хапіла б укамплектаваць усе лякарні Брэстчыны
«Я не збіраўся капаць акопы». Медык з райцэнтра расказвае, чаму больш не вытрымаў
Каментары