Тэмаю размовы называюць апошнія павароты падзей у Расіі.
У тэлеграм-канале Уладзіміра Зяленскага паведамляецца, што бакі «абмеркавалі ход баявых дзеянняў і працэсы, якія адбываюцца ў Расіі».
Зяленскі адзначае, што ён «падзякаваў прэзідэнту ЗША за неаслабную падтрымку Украіны, асабліва за [сістэмы супрацьпаветранай абароны] «Пэтрыёт». Важна надалей павялічваць здольнасці Украіны па абароне нашага неба. У гэтым кантэксце падзякаваў і за падтрымку кааліцыі знішчальнікаў».
Зяленскі адзначыў таксама, што яны «абмеркавалі далейшае пашырэнне абароннага супрацоўніцтва з акцэнтам на дальнабойных сродках паражэння».
Украіна даўно — і пакуль беспаспяхова — дабівалася ад ЗША паставак дальнабойных ракет да пускавых установак «Хаймарс». Многія эксперты лічаць, што пасля мяцяжу вагнераўцаў шанцы ўкраінцаў на паспяховы контрнаступ выраслі.
Сёння ж Зяленскі меў размовы з прэм'ерам Канады Джасцінам Трудо і прэзідэнтам Польшчы Анджэем Дудам.
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7878
Каментары