Інфармацыйная кампанія супраць хатняга гвалту стартуе ў Беларусі 25 лістапада. Пра гэта паведаміла ў аўторак на пасяджэнні круглага стала намеснік начальніка галоўнага ўпраўлення палітыкі занятасці і народанасельніцтва Міністэрства працы і сацыяльнай абароны Таццяна Шаметавец.
Інфармкампанія ў Беларусі, як і ў іншых краінах свету, праходзіць у рамках глабальнай ініцыятывы «16 дзён актыўных дзеянняў супраць гвалту ў адносінах да жанчын». Пачынаецца акцыя ў Міжнародны дзень барацьбы за ліквідацыю гвалту ў дачыненні да жанчын (25 лістапада), а завершыцца у Сусветны дзень правоў чалавека (10 снежня).
Паводле словаў Таццяны Шаметавец, мэта інфармацыйнай кампаніі, якая праходзіць у нашай краіне ўжо чацвёрты раз пад лозунгам «Дзе ёсьць гвалт — няма сям’і», заключаецца ў тым,
каб прыцягнуць увагу грамадскасці да гэтай вострай праблемы. Рэальныя маштабы распаўсюду такой з’явы вызначыць складана, паколькі ахвяры гвалту не паведамляюць аб гэтым, бо саромеюцца ці баяцца помсты, ці нявераць у магчымасць дапамогі і падтрымкі.
У 2001‑2003 гады падобныя інфармацыйныя кампаніі праходзілі пад лозунгам «Жыццё без гвалту», пазней слоганам сталі словы «Хатні гвалт не павінен быць часткай вашага жыцця».
Цяпер чытаюць
Стала вядома імя яшчэ аднаго палкоўніка ДФР, арыштаванага КДБ. Ён расказваў сукамернікам, як яго катавалі6
Каментары