Усяго патроху88

«Нібы ў казку патрапіла». Беларуску ўразіў незвычайны «вязаны раён», на які яна натрапіла ў Варшаве

Беларуска Алена, якая цяпер жыве ў Варшаве, выпадкова апынулася на вуліцы Кавянчынскай. Проста села не ў той трамвай, выйшла на нейкім прыпынку — і нібы ў казку трапіла. На слупах, сценах і нават на прыпынку грамадскага транспарту яна ўбачыла вязаныя маляўнічыя ўпрыгожанні, казачных герояў. Сваім захапленнем Алена падзялілася з выданнем Ex-press.by. 

Мясцовыя жыхары ўпрыгожваюць нават слупы ўздоўж дарогі

Ярнбомбінг — гэта вулічнае вязанне, або «вязанае графіці». Беларуска ведала пра яго і раней.

«Калі я жыла ў Беларусі і яшчэ вучылася ў школе ў Жодзіне, гэта навамоднае хобі спрабавалі ўкараніць і ў нас. Да нейкага ідэалагічнага свята прымусілі нас, старшакласнікаў, вязаць «адзенне для дрэў» з нейкіх рэшткаў прадзіва», — успамінае Алена.

«І хоць нашы намаганні былі так сабе, мне заўсёды падабалася гэтая ідэя. І я заўсёды хацела ўбачыць сапраўдны плён працы незвычайных рукадзельніц на вуліцах нейкага горада і ў парках. Таму што чытала, што там, дзе ёсць нармальнае грамадства і самакіраванне, «бамбардзіроўшчыкі прадзівам» ствараюць упрыгожанні для дрэў, элементаў архітэктуры, помнікаў.

Упрыгожанні з прадзіва на слупах у выглядзе лялек, русалак, жывёл, раслін і нават ежы або клавіятуры піяніна

Разам са мной чакала трамвай мясцовая жыхарка, я распытала яе пра гэтыя ўпрыгожанні. Аказваецца, у гэтым раёне аматары вязання кручком і пруткамі сустракаюцца кожную сераду. Яны і прыдумалі ўсё гэта», — апавядае Алена.

Трамвайны прыпынак з вязанымі фіранкамі

Мясцовая жыхарка расказала, што разыначка акцыі — гэта развешванне вырабаў. Майстрыхі робяць гэта разам, размаўляючы пра іх значэнне.

Вокны дома, у якім ідзе рэканструкцыя, мясцовыя жыхары ўпрыгожылі сваімі шэдэўрамі

Тут гэта адбылося ў адну з субот чэрвеня. На свяце выступілі маладыя артысты з мясцовай музычнай школы імя Станіслава Манюшкі. Мясцовыя прадпрымальнікі і рамеснікі прафінансавалі пачастункі. Гэта былі хатні хлеб на заквасцы, некалькі відаў хатняй выпечкі, пірожныя з кандытарскай і шмат літраў ліманаду.

Унікальныя крылы матыля, каля якіх можна зрабіць фота

Каментары8

  • Во
    15.07.2023
    Фігня.
  • маленькая архітэктарка цемры
    15.07.2023
    «Нібы ў казку патрапіла». Беларуску ўразіў незвычайны «вязаны раён», на які яна натрапіла ў Варшаве

    а ці шмат мінакоў заўважыць, што будынак, дзе ўсё гэта вязанае "вялікалепіе" размешчана, аварыйны. што сетка металічная там не проста так.. пэўна не толькі (і не столькі) ад сасуляў.. а каб якая цагліна ці тынкоўка не ўпала камусьці на галаву
  • Karl
    16.07.2023
    Tut, u Eúropie, a ja žyvu úva Francyji, úsiudy patrapiš na takuju pryhažość. Škoda što nie maju mahčymaści pakazać zdymki są svajho miesta ú Burhundyji. Sapraúdy, mianiajecca śvietapohliad na zvyčajnyja rečy

Цяпер чытаюць

Пісьменніца Таццяна Заміроўская расказала пра новую кнігу, сны пра Лукашэнку, кошт жыцця ў Нью-Ёрку і тое, чаму злуе на некаторых беларусаў10

Пісьменніца Таццяна Заміроўская расказала пра новую кнігу, сны пра Лукашэнку, кошт жыцця ў Нью-Ёрку і тое, чаму злуе на некаторых беларусаў

Усе навіны →
Усе навіны

Як на Добрушскім заводзе распісваюць фарфор5

Распрацоўшчыка камп’ютарных гульняў асудзілі на два гады калоніі за каментары3

Паста з тунцом1

Прапагандысцкі тэлеграм-канал згадаў, як памерлы прэс-сакратар МНС Віталь Навіцкі аддана працаваў на іх12

Міністр па надзвычайных сітуацыях расказаў, як пазнаёміўся з жонкай2

«А дзе мае дакументы? Дзе пашпарт Ціханоўскага? Ці вырашылі вось так выкінуць?»14

У Польшчы ў дзясятках гарадоў прайшлі дэманстрацыі супраць міграцыі16

Сям'я мінскага рабочага 100 гадоў захоўвала кавалачак хлеба з памятнага абеду5

Самы паспяховы блогер-садавод Брэста перарабіў стары фургон у дачны домік ВІДЭА2

больш чытаных навін
больш лайканых навін

Пісьменніца Таццяна Заміроўская расказала пра новую кнігу, сны пра Лукашэнку, кошт жыцця ў Нью-Ёрку і тое, чаму злуе на некаторых беларусаў10

Пісьменніца Таццяна Заміроўская расказала пра новую кнігу, сны пра Лукашэнку, кошт жыцця ў Нью-Ёрку і тое, чаму злуе на некаторых беларусаў

Галоўнае
Усе навіны →

Заўвага:

 

 

 

 

Закрыць Паведаміць