У Мінску судзяць жыхара Чыжоўкі, яму пагражае да 12 гадоў калоніі
З 10 ліпеня ў Мінскім гарадскім судзе ідзе працэс над 34-гадовым палітзняволеным жыхаром Чыжоўкі Яўгенам Верхаводкіным. Яму змянілі абвінавачванне, і цяпер мужчыну пагражае куды большы тэрмін, піша «Вясна».
Яўгена Верхаводкіна затрымалі падчас «хапуна» ў Чыжоўцы ў снежні 2022 года і змясцілі пад варту паводле арт. 342 Крымінальнага кодэкса (удзел у акцыях пратэсту).
Але цяпер яго судзяць за «заклікі да санкцыяў» (ч. 3 арт. 361 КК) і «стварэнне экстрэміскага фармавання ці ўдзел ў ім» (ч. 1 арт. 361-1 КК). Паводле гэтых артыкулаў Яўгену прагражае да 12 гадоў калоніі.
Справу мінчука разглядае сумнавядомая суддзя Анжэла Касцюкевіч, якая да нядаўняга часу працавала ў судзе Заводскага раёна Мінска — у раёне, дзе жыве Яўген.
Вядома, што ў яго няма блізкіх сваякоў, таму чалавек мае патрэбу ў падтрымцы.
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі7
Каментары