Былы лідэр партызанскіх фарміраванняў Хасэ Мухіка, паводле папярэдніх вынікаў, атрымаў перамогу ў другім туры прэзідэнцкіх выбараў ва Уругваі. Сваю паразу, як перадае AFP, прызнаў супернік Мухікі, былы прэзідэнт краіны Луіс Альберта Лакалье.
У другім туры выбараў, які адбыўся ў нядзелю, 29 лістапада Мухіка набраў каля 51% галасоў. У першым туры, які прайшоў 25 кастрычніка, за яго прагаласавалі 49,6% выбаршчыкаў. Лакалье набраў каля 42%.
74‑гадовы Хасэ Мухіка прадстаўляе на выбарах кіраўнічую ва Уругваі кааліцыю «Шырокі фронт». Луіс Альберта Лакалье, які займаў пасаду прэзідэнта ў 1990‑1995 гг., быў кандыдатам ад апазіцыйнай Нацыянальнай партыі.
Прэзідэнт Уругвая абіраецца на пяцігадовы тэрмін.
Па законе краіны адзін і той жа чалавек не можа займаць пасаду прэзідэнта два тэрміны запар.
-
ЗША ўводзяць новы візавы збор у $250 — цана візы вырасце ўдвая
-
Уплыў Меланіі Трамп на мужа быў недаацэнены. Украіна атрымала нечаканага саюзніка ў яе асобе
-
«Маленькая паслуга беларускім уладам». Дэпутаты «Альтэрнатывы для Германіі» зрабілі запыт свайму ўраду пра фінансаванне «Байсола» і беларускіх палітвязняў
Каментары