Шматдзетнага бацьку арыштавалі на 5 сутак за распаўсюд «экстрэмісцкіх» матэрыялаў
Суддзя Шаркаўшчынскага раёна Аксана Табола 19 ліпеня за распаўсюд «экстрэмісцкіх» матэрыялаў пакарала арыштам на пяць сутак мясцовага жыхара і шматдзетнага бацьку Уладзіміра Рынкевіча.
У судзе было ўстаноўлена, што Уладзімір размяшчаў, захоўваў і доўгі час распаўсюджваў у сацыяльнай сетцы «Аднакласнікі» інфармацыю інтэрнэт-супольнасцяў «Stop Luka» і «Белсат», якія былі ўнесеныя ў рэспубліканскі спіс экстрэмісцкіх матэрыялаў.
Пры вынясенні пакарання суддзя Табола прыняла ў разлік, што «правапарушальнік» шчыра раскаяўся, а таксама тое, што ён мае на ўтрыманні малалетніх дзяцей, піша «Віцебская вясна».
Каментары