У Салігорскім раёне ў выніку ДТЗ згарэлі два кіроўцы машынаў
54‑гадовая жыхарка Салігорска і 22‑гадовы расіянін загінулі ў дарожна‑транспартным здарэнні, якое здарылася 30 лістапада ў Салігорскім раёне.
Як паведамілі ва УУС Мінскага аблвыканкама, паблізу вёскі Мазуршчына жанчына пры выкананні абгону, не справілася з кіраваннем «Рэно Кліо». У выніку машыну занесла, і яна сутыкнулася «Масквічом», што ехаў насустрач. Гэтым аўтамабілем кіраваў грамадзянін Расіі.
Пасля сутыкнення абедзве аўтамашыны загарэліся. Абодва кіроўцы загінулі на месцы здарэння.
Па гэтым факце заведзена справа па ч. 3 арт. 317 КК (парушэнне правілаў дарожнага руху, якое пацягнула па неасцярожнасці смерць двух або больш асоб).
Паводле звестак Дзяржаўтаінспекцыі МУС Беларусі, за мінулыя суткі ў краіне зарэгістравана 19 дарожна‑транспартных здарэнняў, у якіх тры чалавекі загінулі і 17 атрымалі раненні.
Цяпер чытаюць
Што робяць з беларусамі, якіх арыштавалі, але не паспяваюць асудзіць за пратэсты. Ёсць два шляхі3
Каментары