Ад 730 даляраў за метр. У Сухараве пачынаюць будаваць яшчэ адну панэльку
У мінскім мікрараёне Сухарава цяпер будуецца адразу некалькі новых кварталаў. У апошнім нумары газеты «Звязда» выйшла праектная дэкларацыя адразу на 256 кватэр у панэльным доме. Жыллё ў доме №20 (як і ў суседнім доме №21) прапануюць выключна тым, хто мае патрэбу ў паляпшэнні жыллёвых умоў. Realt.by паглядзеў, у колькі ацанілі метр.
Гаворка ідзе пра жылы дом №20 (паводле генплана). Ён будуецца ў раёне вуліц Шаранговіча, Гарэцкага і Рафіева. Гэта новы мікрараён №2 (2-я чарга будаўніцтва).
Жылы дом запраектаваны панэльным на аснове тыпавой серыі М-464М-16. Будынак будзе складацца з чатырох пад'ездаў, 16-ці паверхаў і 256-ці кватэр.
Жыллё ў новабудоўлі будзе з аздабленнем. Сцены абклеяць шпалерамі, столі пафарбуюць, у санвузле пакладуць плітку, у жылых пакоях — лінолеум.
Цяпер у долевым будаўніцтве прапануюць усе кватэры ў доме. У першую чаргу жыллё прызначана для шматдзетных сем'яў, якія стаяць на ўліку тых, хто мае патрэбу ў паляпшэнні жыллёвых умоў, у адміністрацыях раёнаў Мінска (па напрамках).
Гэтай катэгорыі грамадзян прапануецца:
- 4 аднапакаёвыя кватэры;
- 124 двухпакаёвыя кватэры;
- 128 трохпакаёвых кватэр.
Кошт квадратнага метра — 2 278 рублёў (каля 730 даляраў за метр).
Дом пачалі будаваць 1 жніўня, а здаць у эксплуатацыю маюць намер 30 лістапада 2024 года.
Для заключэння дамовы неабходна асабістая прысутнасць, пашпарт (ідэнтыфікацыйная карта) і накіраванне адміністрацыі раёна Мінска. Таксама патэнцыйны дольшчык павінен быць гатовы аплаціць цягам 20 рабочых дзён 10% ад агульнага кошту аб'екта долевага будаўніцтва.
Каментары