Прэс-служба «Аль-Хіляля» абвясціла, што клуб падпісаў галкіпера «Севільі» і зборнай Марока Ясіна Буну.
Паводле інфармацыі журналіста і інсайдара Фабрыцыа Рамана, сума ўгоды склала 21 млн еўра. За новую каманду 32-гадовы галкіпер будзе выступаць пад 37-м нумарам.
Буну нарадзіўся ў Манрэалі ў 1991 годзе, але сям'я хутка вярнулася ў Марока.
Выступаў за рэзервістаў мадрыдскага «Атлетыка», «Рэал Сарагосу», «Жырону», у «Севілью» перайшоў у 2019 годзе, правёў за клуб 89 матчаў, прапусціў 93 мячы. Двойчы выйграваў з клубам Лігу Еўропы (2020, 2023).
Зорка Буну ўзышла на чэмпіянаце свету па футболе ў Катары, дзе каманда, у многім дзякуючы яму, дайшла да паўфіналу турніра, стаўшы першай у гісторыі афрыканскай камандай, якая дабралася так высока.
У групавым турніры Буну прапусціў адзін мяч. У 1/8 фіналу адстаяў на нуль у асноўны і дадатковы час у паядынку з Іспаніяй і адбіў два пенальці. Яго прызналі найлепшым гульцом матча. Таксама адстаяў на нуль у чвэрцьфінале з Партугаліяй, і яго зноў прызналі найлепшым гульцом матча. Двойчы прапусціў у паўфінале з Францыяй і двойчы ў матчы за бронзу з Харватыяй.
У «Аль-Хіляль» ужо перайшлі Неймар, Сяргей Мілінкавіч-Савіч, Рубен Невеш, Кулібалі, Малкам.
Чытайце таксама:
У чым феномен футбола ў Саудаўскай Аравіі, куды за Раналду ламануліся топавыя еўрапейцы
УЕФА назвала тройку прэтэндэнтаў на званне гульца сезона 2022-2023
БАТЭ вылецеў у Лігу канферэнцый, а «Нёман» зусім з еўракубкаў
Цяпер чытаюць
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары