Свет33

Расійскі дыпламат заявіў, што ў Казахстане менш вучаць рускую мову. МЗС Казахстана хутка паведаміла, што дыпламат тут больш не працуе

У МЗС Казахстана паведамілі, што генеральны консул РФ у Алмаце Яўген Баброў больш не працуе ў краіне. Раней дыпламат заявіў расійскаму агенцтву аб «спадзе» вывучэння рускай мовы ў Казахстане.

Яўген Баброў. Фота: gcrus_almaty / Instagram

Баброў 26 жніўня завяршыў сваю дыпламатычную місію і пакінуў краіну, заявіў афіцыйны прадстаўнік МЗС Казахстана Айбек Смадыяраў.

Прадстаўнік казахстанскага МЗС не стаў удакладняць, ці сам Баброў падаў у адстаўку, ці ён спыніў працу на патрабаванне ведамства.

Яўген Баброў у інтэрв'ю агенцтву ТАСС паскардзіўся, што апошнія гады ў Казахстане назіраецца «спад ва ўзроўні выкарыстання і вывучэння рускай мовы».

«З аднаго боку, ён назіраецца з-за скарачэння рускага насельніцтва да 15%, з другога — Міністэрства асветы краіны мяняе праграму навучання «з апорай на казахскую мову», — сказаў расійскі дыпламат.

Акрамя скарачэння рускамоўных школ і класаў у Казахстане, паводле слоў Баброва, назіраецца «пэўная занепакоенасць», звязаная з выключэннем прадмета «руская мова» з праграмы для вучняў першых класаў з казахскай мовай навучання.

Каментуючы словы генконсула РФ аб тым, што апошнім часам у Казахстане скарачаюцца рускамоўныя школы і класы, Смадыяраў адзначыў, што, «магчыма, гэты чалавек не быў у курсе ўсёй інфармацыі, якая назіраецца ў краіне».

«У мяне ёсць на руках даныя міністэрства асветы аб тым, якія школы на якой мове ў нас выкладаюць: з 7711 дзяржаўных школ 3957 вядуць навучанне толькі на казахскай мове, 1203 — на рускай мове, а 2551 школа — на казахскай і рускай мовах. Пры гэтым няма планаў на поўны пераход усіх школ краіны выключна на казахскую мову навучання», — сказаў дыпламат.

У 2022 годзе ў Казахстане адмянілі вывучэнне адразу трох моў для першакласнікаў з новага навучальнага года, сярод іх — рускую і англійскую. Па інфармацыя міністэрства асветы Казахстана, з першага класа дзеці будуць вывучаць толькі казахскую, паколькі для вывучэння рускай і англійскай ім спачатку трэба навучыцца чытаць і пісаць на роднай мове. Ён дадаў, што першакласнікам цяжка вывучаць тры мовы адразу.

Каментары3

  • Ёсік
    29.08.2023
    Хто там пяе аб нацыяналістах? Помніце і ўсім сваім нашчадкам перадайце - няма больш заўзятых нацыяналістаў, чым рускія. Ні беларускія, ні ўкраінскія, ні казахстанскія нацыяналісты не ўяўляюць аніякай пагрозы нікому, як расейцы. Задзяўблі ўжо са сваёй мовай, культурай, гісторыяй. Вычыце яе ў сябе дома, навошта яна мне ды маім дзецям, у нас свая гісторыя ёсьць. Гэта вы спрабуеце яе зьнішчыць рукамі лукашэнкі, у якога гісторыя Беларусі пачынаецца з 3 ліпеня 1944 года.
  • Янка
    29.08.2023
    Спадару Баброву варта было б не аналізаваць страту пазіцый расейскай мовы ў незалежных дзяржавах на карысць моў тытульных нацый, а жаласны стан нацыянальных моў у самой шматэтнічнай Расеі і шавіністычныя настроі ў датычэнні нацыянальных меншасцей Расеі. Вельмі рэзанансным быў выпадак, калі расейскамоўная суддзя відавочна ціснула на актывіста пад час палітычнага суда ў Сыктывкары, кабы тый выкарыстоўваў расейскую, а не комі мову - таксама дзяржаўную ў тым рэгіёне. Напрыклад карэльская мова ў Карэліі ня мае статусу дзяржаўнай, бо выкарыстоўвае лацініцу. Дарэчы, шмат дзе ўнутры Расеі самі расейцы ніколі не з'яўляліся і не з'яўляюцца дамінуючай нацыяй.
  • Eve
    29.08.2023
    Мне вельмі падабаецца Казахстан🇰🇿

Цяпер чытаюць

Як журналістка «Нашай Нівы» шукала пару на праваслаўным сайце знаёмстваў. Падкаціў і Талай22

Як журналістка «Нашай Нівы» шукала пару на праваслаўным сайце знаёмстваў. Падкаціў і Талай

Усе навіны →
Усе навіны

Новыя iPhone ужо ў Беларусі. Колькі каштуюць і ці варта ехаць па іх у Польшчу або Літву?13

Абезгалоўленая каралева. Чаму тое, што мы пра яе вучылі ў школе, было міфам2

Расія гатовая адказаць на любыя магчымыя пагрозы ваеннай сілай. Пуцін сабраў Саўбез і зрабіў заяву7

«Забярыце дадому з разбітай галавой». Беларуска паскардзілася, што сыну не выклікалі хуткую ў школе4

Навукоўцы ўпершыню зафіксавалі спарванне леапардавых акул. Аказалася, што ўдзельнічаюць самка і адразу два самцы ВІДЭА1

«Хутка ўбачыце мяне ў парыках». Маргарыта Сіманьян заявіла, што лечыцца ад раку6

«Усё, чаго я хацела дасягнуць у жыцці, я зрабіла ў Польшчы». Легкаатлетка Жодзік расказала пра Беларусь, перамогу і свой ганарар22

У Мінску пабудуюць дзве новыя дарогі, якія стануць дублёрамі Партызанскага праспекта

У Мінску адкрылі Вышэйшую партыйную школу23

больш чытаных навін
больш лайканых навін

Як журналістка «Нашай Нівы» шукала пару на праваслаўным сайце знаёмстваў. Падкаціў і Талай22

Як журналістка «Нашай Нівы» шукала пару на праваслаўным сайце знаёмстваў. Падкаціў і Талай

Галоўнае
Усе навіны →

Заўвага:

 

 

 

 

Закрыць Паведаміць