У Казахстане хочуць забараніць тавары са знакамі «Z», «V» і ПВК «Вагнер»
Ёсць факты продажу і рэкламы ў гандлёвых сетках цацачнай дзіцячай прадукцыі пад рознымі найменнямі, у прыватнасці, «Армія Расіі», «Ветлівыя людзі», якія выклікалі неадназначную рэакцыю ў грамадстве, зазначыў пракурор Куат Бапінаў.
Дзяржорганы сумесна з Генпракуратурай Казахстана прапрацоўваюць прававыя падставы для забароны рэалізацыі этнапалітызаванай сімволікі ў краіне. Спецыялісты папярэдзілі, што з казахстанскіх прылаўкаў хочуць прыбраць тавары з этнапалітызаванай сімволікай, піша nur.kz.
«Як паказвае практыка, асобнымі прадстаўнікамі розных этнасаў у грамадскім полі дэманструецца розная этнічная сімволіка, у тым ліку звязаная з краінамі іх гістарычнага паходжання і да таго падобным. Так, у 2022 годзе ў сувязі з распачатым расійска-ўкраінскім канфліктам у Казахстане пачасціліся факты дэманстрацыі, у прыватнасці, на вопратцы, цацках, транспартных сродках сімволікі «Z» або «V», — заявіў пракурор аддзела абароны грамадскіх інтарэсаў пракуратуры горада Семей Куат Бапінаў.
Ён падкрэсліў, што ёсць факты продажу і рэкламы ў гандлёвых сетках цацачнай дзіцячай прадукцыі пад рознымі найменнямі, у прыватнасці, «Армія Расіі», «Ветлівыя людзі», якія, паводле яго слоў, выклікалі неадназначную рэакцыю ў грамадстве.
«У сувязі з гэтым Генпракуратурай РК сёлета накіравана прапанова ва ўрад РК аб заканадаўчай забароне і адміністрацыйнай адказнасці за выраб, захоўванне, увоз, перавозку і распаўсюджванне на тэрыторыю краіны атрыбутыкі, сімволікі, знакаў, якія выкарыстоўваюцца супрацьлеглымі бакамі ва ўзброеных канфліктах, у ваенных або іншых гвалтоўных дзеяннях супраць суверэнітэту і палітычнага рэжыму іншай дзяржавы», — паведаміў пракурор.
У сувязі з гэтым да прыняцця адпаведных паправак прадпрымальнікам параілі выключыць з продажу друкавана-бланачную, цацачную прадукцыю, сувеніры, а таксама іншыя тавары народнага спажывання этнапалітызаванай накіраванасці.
Акрамя таго, арэндадаўцам гандлёвых пляцовак парэкамендавалі не радзей разу на месяц праводзіць візуальны агляд прадукцыі.
Цяпер чытаюць
На Купянскім кірунку загінуў беларускі добраахвотнік Аляксей «Рыжы» Аўдзей4
Каментары