Грамадства3131

«Да чаго Лукашэнка Беларусь давёў». Расейцы і амерыканцы ў захапленні ад крамы на ўскраіне Мінска

Днямі ў твітары завірусілася відэа, на якім паказана, як проста карыстацца сталічнай прадуктовай крамай, у якой няма прадаўцоў. З розных прычын відэа выклікала хвалю эмоцый у расійскіх і амерыканскіх карыстальнікаў. Яны проста мала ведаюць пра такія тэхналогіі.

Арыгінальнае відэа з каментаром «Да чаго Лукашэнка Беларусь давёў» апублікаваў расійскі «патрыятычны» карыстальнік пад нікам Даянат. У ім ён паказаў, як працуе крама без прадаўцоў і кас, размешчаная каля гіпермаркета ОМА ў мінскім раёне Брылевічы. 

Кругласутачная крама знаходзіцца непасрэдна на тэрыторыі электразараднай станцыі Malanka. Суперхуткі зарадны комплекс з 8 станцыямі і аўтаномнай крамай адкрыўся ў снежні 2022 года.

Прынцып працы такой крамы даволі просты: карыстальнік рэгіструецца ў мабільнай праграме, прывязвае карту, на ўваходзе скануе QR, бярэ тавары з паліцы і выходзіць з крамы. Праз пару хвілін грошы за набыткі спісваюцца з карты. У гэтай краме не толькі няма прадаўцоў і кас, у ёй не трэба сканаваць нават штрыхкоды, вашая пакупка разлічваецца з колькасці тавару, які вы ўзялі, выстаўленага на паліцах з чуйнікамі вагі. 

Уваход у краму Malanka Shop. Фота: Анлайнер

Тэхналагічнасць крамы выклікала захапленне ў іншых расійскіх «патрыятычных» блогераў, для якіх гэта ў навінку.

Праз іх відэа падхапілі еўрапейскія антызаходнікі. Асабліва шмат рэтвітаў рабілася з Сербіі, значная частка насельніцтва якой падтрымлівае Расію ў вайне з Украінай, бачачы ў гэтым супрацьстаянне НАТА, на чые бамбардзіроўкі яны яшчэ не забыліся.

Беларусы ж у рэплаях абураліся тым, што з’яўленне крамы прыватнай кампаніі прыпісваецца Лукашэнку, і звярталі ўвагу на тое, што тэхнічны прагрэс не можа падмяніць свабоду, якой у краіне няма. 

Расійскія Z-блогеры і еўрапейскія антызаходнікі шчыльна звязаныя з ультраправымі ў ЗША, сярод якіх шмат прыхільнікаў антымігранцкіх законаў, а таксама непрыхаваных маргіналаў і расістаў. Таму не выпадкова, што калі нехта зрабіў англійскія субцітры да відэа, яно з новай моцай разышлося па амерыканскім сегменце. 

Гэтае відэа, пераапублікаванае ўльтраправым блогерам Янам Майлзам Чонгам, які мае малазійскае паходжанне, набрала ўжо звыш 850 тысяч праглядаў. Блогер і ягоныя падпісчыкі падзівіліся высокаму ўзроўню даверу ў беларускім грамадстве.

У ЗША, перадусім у вялікіх агламерацыях, існуе вялікая праблема з крадзяжом тавараў, рабункамі крамаў і вандалізмам, за якія ніхто па выніку не нясе адказнасці. «Як доўга гэтая крама праіснуе ў Сан-Францыска?» — пыталіся твітарчукі са Штатаў. 

Паколькі значная частка злачынцаў у ЗША — гэта цемнаскурыя людзі, якія на працягу стагоддзяў былі дыскрымінаванай часткай амерыканскага грамадства, то многія каментатары з расісцкага пункту гледжання тлумачылі сакрэт беларускага ўзаемадаверу: «Беларусь амаль на 100% белая», «у Беларусі няма чарнаскурых», «белае грамадства».

Насамрэч ніякай залежнасці ад колеру скуры ў гэтым пытанні няма. Вялікая колькасць нябелых мігрантаў і іхніх нашчадкаў у краінах Еўропы ніяк не ўплывае на існаванне крам такога тыпу — у Еўропе іх шмат. Высокі ўзровень злачыннасці пры высокім сярэднім узроўні жыцця застаецца ўнікальнай рысай ЗША. 

Першыя крамы без прадаўцоў з'явіліся яшчэ некалькі дзясяткаў гадоў таму ў Нарвегіі, Швецыі ды Ісландыі. Іх адкрывалі ў невялікіх мястэчках, дзе ўсе жыхары ведаюць адно аднаго, а турыстаў амаль няма. Продаж быў заснаваны на чыстым даверы: людзі бралі патрэбны тавар і пакідалі грошы. У гэты час уладальнік мог займацца сваёй гаспадаркай. 

У канцы 2010-х крамы без прадаўцоў, дзякуючы развіццю тэхналогій, масава прыйшлі і ў вялікія гарады Еўропы. Насамрэч пра давер казаць ужо не даводзіцца, бо прасунутая сістэма відэаназірання і аналітыка проста не пакідаюць магчымасцяў беспакарана скрасці тавар. 

«Наша Нiва» — бастыён беларушчыны

ПАДТРЫМАЦЬ

Каментары31

  • Зигмунд нефрейд
    07.09.2023
    "Болгары восхитились"
  • ром
    07.09.2023
    и не гаварыте... я тожа думал у всех жопа там а аказываецца.... некаторыя добра жыли,,, айтишники;; фуишники... па 5 тыщ баксау палучали... вунь паехали па эуропах щас и им тут не добра))) у беларусь хатят)) диво
    а свабоду дають толька грошы.... остальное - наивняк,,,, не маеш грошау - не буде ниякай свабоды
    и везде хто как прыстроицца..
  • Sneed
    07.09.2023
    > Вялікая колькасць нябелых мігрантаў і іхніх нашчадкаў у краінах Еўропы ніяк не ўплывае на існаванне крам такога тыпу
    zatoe ŭpłyvaje na kolkaść zhvałtavańniaŭ i zabojstvaŭ :)
    kali b nie Polśča z Litvoj, uvohule nie było b kudy ŭ hetaj vašaj Eŭropie prytknucca...
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Фатограф-агент Мішчук расказаў сваю версію таго, што адбылося12

Фатограф-агент Мішчук расказаў сваю версію таго, што адбылося

Усе навіны →
Усе навіны

На Байкале падлетак забіў нажом чатырох таварышаў на дні нараджэння і падпаліў дом

Спецпрадстаўнік Трампа адказаў Мядзведзеву: Заява не адпавядае статусу сусветнай дзяржавы5

Гурт «Дразды» аб'явіў пра развітальныя гастролі

Пятрухіну забаранялі весці стрым з канфэрэнцыі ў Варшаве. Ён супраціўляўся, а пасля стаў таемна запісваць аўдыя14

Мядзведзеў прыгразіў Трампу Трэцяй сусветнай вайной13

Рашэнне аб перадачы Германіяй Украіне ракет Taurus яшчэ не прынята1

Мерц чакае зацяжную вайну праз нежаданне Расіі весці перамовы2

Каханак Мельнікавай Аляксей Лабееў служыў у КДБ з 2019 года10

Фатограф-агент з двума пашпартамі здымае беларусаў і іх мерапрыемствы ў Варшаве32

больш чытаных навін
больш лайканых навін

Фатограф-агент Мішчук расказаў сваю версію таго, што адбылося12

Фатограф-агент Мішчук расказаў сваю версію таго, што адбылося

Галоўнае
Усе навіны →

Заўвага:

 

 

 

 

Закрыць Паведаміць