Свет

У Арменіі затрымалі прарасійскага блогера і журналіста «Спутніка»

Іх падазраюць у незаконным абароце зброі.

У Арменіі затрыманыя прарасійскі блогер Міка Бадалян і журналіст «Спутнік Арменія» Ашот Геваркян. Іх падазраюць у незаконным абароце зброі. Пра гэта паведаміў прэс-сакратар Следчага камітэта краіны Гор Абраамян, піша «Радыё Свабода».

Прадстаўнік ведамства ўдакладніў, што Бадалян і Геваркян былі затрыманыя ў Сюнікскай вобласці 6 і 7 верасня. Усяго па справе аб незаконным абароце зброі затрыманыя сем чалавек.

Пасольства Расіі ў Арменіі заявіла, што распачне крокі для высвятлення абставінаў таго, што здарылася, і сочыць за развіццём сітуацыі.

Медыягрупа «Расія сёння», да якой адносіцца «Спутнік Арменія», таксама паведаміла аб тым, што сочыць за затрыманнем Геваркяна і «разлічвае на захаванне ўсіх працэсуальных нормаў».

«Магчымыя правакацыі, накіраваныя на падрыў дружбы паміж брацкімі народамі Расіі і Арменіі, павінны быць неадкладна спыненыя», — гаворыцца ў заяве холдынга.

Раней прэм'ер-міністр Арменіі Нікол Пашынян раскрытыкаваў расійскі міратворчы кантынгент у Нагорным Карабаху, заявіўшы, што той не выконвае сваёй задачы, а таксама заявіў, што залежнасць Арменіі ў сферы бяспекі толькі ад адной краіны, а менавіта Расіі, была «стратэгічнай памылкай». Са слоў палітыка, Расія сама пакідае Паўднёвы Каўказ. Ён падкрэсліў, што ніякія заходнія сілы, пра якія гавораць у Расіі, не падштурхоўваюць Ерэван да разрыву з Масквой.

Пазней стала вядома, што ў Арменіі з 11 да 20 верасня пройдуць супольныя армяна-амерыканскія вучэнні Eagle partner — 2023. Мінабароны краіны ўдакладніла, што вучэнні пройдуць у рамках падрыхтоўкі да ўдзелу ў міжнародных міратворчых місіях.

Арменія ўваходзіць у вайсковы блок АДКБ нароўні з Расіяй і яшчэ некалькімі краінамі, якія раней былі ў СССР. Пры гэтым яна падтрымлівае партнёрскія адносіны з НАТА. Першыя сумесныя вучэнні вайскоўцаў ЗША і Арменіі прайшлі яшчэ ў 2013 годзе.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Частку сваякоў я адсеяла». Гамяльчанка, якая жыве ў Адэсе, распавяла пра адаптацыю да абстрэлаў, украінскую мову і свой блог

«Частку сваякоў я адсеяла». Гамяльчанка, якая жыве ў Адэсе, распавяла пра адаптацыю да абстрэлаў, украінскую мову і свой блог

Усе навіны →
Усе навіны

Дачка Надзеі Ермаковай пастаўляе рыбу ў калоніі, бальніцы і сілавікам10

У Валагодскай вобласці РФ мост абрынуўся пад вернікамі проста падчас хрэснага ходу6

«VIP-кліентка» КДБ. Гісторыя шведскай беларускі, якую арыштавалі на радзіме і вызвалілі разам з Ціханоўскім4

На станцыі метро «Плошча Леніна» жанчына ўпала на рэйкі

Як ідзе рамонт моста на праспекце Незалежнасці ФОТЫ1

У Літве хочуць стварыць дронавую заслону на мяжы з Беларуссю1

«Патэлефануйце Пуціну»: Рутэ папярэдзіў Кітай, Індыю і Бразілію пра другасныя санкцыі3

У парку Чалюскінцаў з’явіцца «Вежа свабоднага падзення»2

Мядзведзеў пра ўльтыматум Трампа: Расіі ўсе роўна8

больш чытаных навін
больш лайканых навін

«Частку сваякоў я адсеяла». Гамяльчанка, якая жыве ў Адэсе, распавяла пра адаптацыю да абстрэлаў, украінскую мову і свой блог

«Частку сваякоў я адсеяла». Гамяльчанка, якая жыве ў Адэсе, распавяла пра адаптацыю да абстрэлаў, украінскую мову і свой блог

Галоўнае
Усе навіны →

Заўвага:

 

 

 

 

Закрыць Паведаміць