Жыхарку Магілёва затрымалі за БЧБ-манікюр. Яе дапытваюць са змененымі галасамі
Уладальніцу салона прыгажосці ў Магілёве затрымалі і аштрафавалі на 3700 рублёў за манікюр з «забароненай сімволікай». Прапагандысты знялі пра гэта цэлы рэпартаж.
Сілавікі спрабавалі зняць з жанчынай «пакаяннае» відэа, але затрыманая адмовілася з імі размаўляць і нават глядзець у камеру. Пазней яе абвінавацілі ва ўдзеле ў паслявыбарчых акцыях пратэсту.
У знятым роліку звяртае на сябе ўвагу тое, што нават праз тры гады пасля масавых пратэстаў, дзейнічаючы, здавалася б, у цалкам камфортнай для сябе сітуацыі поўнай беспакаранасці і дэманструючы ўпэўненасць у тым, што гэта навечна, магілёўскія сілавікі не хочуць дапускаць ідэнтыфікацыю сваіх асоб. У мужчыны, які дапытвае затрыманую жанчыну, штучна зменены голас.
Цяпер чытаюць
Бліжэйшым часам будуць вызвалены больш за 150 палітзняволеных37
Каментары