«Мы не можам за гэта не перажываць». Наталлю Качанаву непакоіць, што беларусы позна бяруць шлюб
На яе думку, сітуацыю трэба выпраўляць. Пра гэта Наталля Качанава заявіла на сустрэчы з членамі праўладнага Саюза жанчын, паведамляе тэлеграм-канал Савета Рэспублікі.
«У нас ёсць традыцыйныя каштоўнасці. Гэта шлюб паміж мужчынам і жанчынай, нараджэнне дзяцей у традыцыйнай сям'і. Мы хочам, каб у нас нараджалася больш дзяцей. Цяпер мы сталі ўсведамляць: Дзень святога Валянціна адзначалі, чаму не Дзень Пятра і Фяўронні, якія былі сімвалам веры, вернасці і кахання адно да аднаго? І цяпер мы вырашылі больш настойліва распавядаць пра традыцыйныя каштоўнасці пачынаючы з дзіцячага дашкольнага ўзросту. Бо і ў дачыненні да сям'і можна дайсці да абсурду — мы гэта бачым у іншых краінах», — зазначыла Наталля Качанава.
Яе турбуе, што сярэдні ўзрост, калі беларусы бяруць шлюб, сёння складае 27 гадоў.
«Мы не можам за гэта не перажываць. Сумесна з Беларускай праваслаўнай царквой будзем праводзіць мерапрыемствы дзеля захавання сямейных каштоўнасцяў. Мы паслухаем нашых дактароў, педагогаў, тых, хто непасрэдна працуе з моладдзю. Таму, мілыя жанчыны, сёння гэта і наша з вамі задача — тлумачыць, казаць», — рэзюмавала Наталля Качанава.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»26
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1414
Каментары