Свет22

Пакістан выганяе афганскіх бежанцаў. 1,7 мільёна чалавек павінны пакінуць краіну за гэты месяц

Рашэнне было прынята пасля таго, як серыя нападаў уздоўж мяжы дзвюх краін, у якіх Ісламабад вінаваціць баевікоў у Афганістане, прывяла да эскалацыі напружанасці.

Афганскія бежанцы з усіх сіл спрабуюць утрымаць карову падчас забою з нагоды свята Курбан-Байрам у лагеры Казана на ўскраіне Пешавара. 28 чэрвеня 2023 года. Ід аль-Адха, або свята ахвярапрынашэння, самае важнае ісламскае свята, азначае гатоўнасць прарока Ібрахіма, Аўраама для хрысціян і юдэяў, прынесці ў ахвяру свайго сына. Падчас свята, якое ў большасці месцаў доўжыцца чатыры дні, мусульмане забіваюць авечак ці буйную рагатую жывёлу, раздаюць частку мяса бедным. Фота: Muhammad Sajjad / AP

Улады Пакістана загадалі ўсім нелегальным афганскім уцекачам, а гэта прыкладна 1,7 млн чалавек, пакінуць краіну да 1 лістапада, піша Бі-бі-сі.

Рашэнне было прынята пасля таго, як серыя нападаў уздоўж мяжы дзвюх краін, у якіх Ісламабад вінаваціць баевікоў, што базуюцца ў Афганістане, прывяла да эскалацыі напружанасці.

У выніку Ісламабад у аўторак абвясціў пра намер разабрацца з «нелегальнымі» мігрантамі.

Кантраляваны талібамі ўрад Афганістана назваў крок Пакістана непрымальным і заклікаў перагледзець яго.

Улады Афганістана неаднаразова адмаўлялі факт прадастаўлення прытулку баевікам, што нападаюць на Пакістан.

На мінулым тыдні ў выніку выбуху ў мячэці ў горадзе Мастунг, недалёка ад мяжы з Афганістанам, падчас рэлігійнага свята загінулі прынамсі 50 чалавек.

Міністр унутраных спраў Пакістана Сарфраз Бугці, зрэшты, не згадаў у адкрытую пра гэта і яшчэ пра адзін напад у правінцыі Белуджыстан, калі абвяшчаў пра выдварэнне «нелегальных» афганцаў.

Права прэтэндаваць на прытулак у іншай краіне замацавана ў міжнародным праве. Пакістан прыняў сотні тысяч афганскіх уцекачоў за дзесяцігоддзі вайны, асабліва пасля таго, як «Талібан» вярнуўся да ўлады ў Афганістане ў 2021 годзе.

Паводле звестак ААН, каля 1,3 млн афганцаў зарэгістраваныя ў якасці бежанцаў, а яшчэ 880 тыс. атрымалі легальны статус, які дае магчымасць застацца ў краіне.

Але яшчэ 1,7 млн знаходзяцца ў краіне «нелегальна», заявіў Бугці ў аўторак — відавочна, маючы на ўвазе тых, хто яшчэ не атрымаў статус уцекача.

Ён сказаў, што гэтым людзям давядзецца пакінуць краіну да канца месяца — добраахвотна або шляхам прымусовай дэпартацыі.

«Калі яны не паедуць… тады для іх дэпартацыі будуць задзейнічаныя ўсе праваахоўныя органы ў правінцыях або федэральны ўрад», — дадаў кіраўнік пакістанскага МУС.

Падрабязнасцяў пра тое, як будзе праходзіць такая аперацыя, ён не даў.

Бугці таксама абвясціў пра стварэнне спецыяльнай групы, мэтай якой будзе выяўленне і канфіскацыя прыватнага бізнэсу і актываў «нелегальных» афганцаў у краіне.

Каментары2

  • mikola
    05.10.2023
    Velmi dobra prydumali....
  • Астар
    05.10.2023
    Спадзяюся што значная частка з іх не будзе выкарастана ў гібрыднай вайне якую вядуть Расея ды Беларусь супр аць краін еўразвязу

Цяпер чытаюць

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка2

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка

Усе навіны →
Усе навіны

Праект «Жыццё-маліна» прызналі экстрэмісцкім фармаваннем3

Пасол Беларусі ў Турцыі абвергнуў інфармацыю пра знікненне беларускі з малым сынам

На ўсходзе Кітая адбыўся магутны выбух на хімічным заводзе

Настаўніца з запраўкі ў Вілейцы расказала, чаму пайшла са школы6

У Беларусі дабудавалі самы высокі ў краіне панэльны дом. І знаходзіцца ён не ў Мінску2

Прарасійскія актывісты пачалі цкаваць Юрыя Жыгамонта, які вярнуўся на ютуб з «Падарожжамі дылетанта»74

«Выходны ў сераду — гэта бомба». Беларус сам зрабіў сабе 4-дзёнку — і дзеліцца вынікамі з кам’юніці3

Памёр заснавальнік Інстытута парламентарызму і прадпрымальніцтва Алег Марозаў

Экс-прафесар эканамічнага факультэта Маскоўскага ўніверсітэта скончыў жыццё самагубствам пасля таго, як аддаў махлярам 650 тысяч даляраў4

больш чытаных навін
больш лайканых навін

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка2

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка

Галоўнае
Усе навіны →

Заўвага:

 

 

 

 

Закрыць Паведаміць