Абавязковага размеркавання для платнікаў, якія ўжо паступілі, не будзе — Іванец
Міністр адукацыі Беларусі Андрэй Іванец зрабіў заяву, якая можа крыху супакоіць тых студэнтаў, што ўжо цяпер атрымліваюць вышэйшую адукацыю на платнай аснове і якіх занепакоілі выказаныя на самым высокім узроўні намеры адправіць іх аддаваць за гэта нейкі «доўг» дзяржаве». Паводле Іванца, гэта норма ўводзіцца будзе, але толькі ў дачыненні да студэнтаў, якія будуць паступаць у ВНУ надалей.
«Змены ў заканадаўчую базу [абавязковае размеркаванне платнікаў] закрануць тых, хто будзе паступаць у нашы ўніверсітэты альбо каледжы пасля ўступлення ў сілу гэтых нормаў.
То-бок тых, хто сёння навучаецца на платным, гэтая навацыя тычыцца не будзе. Аднак скарыстацца правам на атрыманне першага працоўнага месца яны могуць», — цытуе Іванца БелТА.
На яго думку, платная вышэйшая адукацыя «з'яўляецца адной з мер сацыяльнай падтрымкі студэнтаў», бо 50% выдаткаў на навучанне платніка ўсё адно, маўляў, кампенсуюць сёння ўніверсітэты.
Абавязковае размеркаванне ўвядуць і для платнікаў, а бюджэтнікам павялічаць яго працягласць — нарада ў Лукашэнкі
«Маладыя спецыялісты з ахвотай размяркоўваюцца». Мінздароўя выказалася пра першае працоўнае месца для студэнтаў-медыкаў
«Я не гатовая працаваць за ідэю». Як мінскія студэнты рэагуюць на навіну, што ў Беларусі ўвядуць абавязковае размеркаванне для платнікаў
Як беларусы праходзілі размеркаванне і касілі ад адпрацовак
Цяпер чытаюць
У загінулай у Сляпянцы дзяўчыне апазналі Яну Кастранкову2
Каментары