«Праз некалькі хвілін вагон пранізалі крыкі Агурбаш». Прапагандысты звярнулі ўвагу на песні ў цягніках
Прапагандыст Юрый Увараў абурыўся, што ў цягніках дагэтуль гучаць песні Анжалікі Агурбаш.
Увараў у сваім канале распавёў, як ехаў цягніком Гродна — Гомель.
«Праз некалькі хвілін вагон пранізалі крыкі Агурбаш», — піша Увараў.
Ён гэта без увагі не пакінуў і «запрасіў начальніцу цягніка».
Высветлілася, што ў цягніку песню на жаданне не паставіш.
«Тая развяла рукамі: «Рэпертуар падбіраем не мы, нам даюць флэшку для радыёвузла». Цікаўлюся, хто складае рэпертуар. Аказваецца, Баранавіцкае аддзяленне Беларускай чыгункі. Бэчэбесы ніяк не суцішацца.
Колькі праклёнаў гэтая спявачка ротам правішчала ў адрас нашага прэзідэнта! А цяпер яе нехта вырашыў уключыць у рэпертуар радыёвузлоў цягнікоў!» — не шкадуе клічнікаў Увараў.
Ён дае кантакты ў допісе Баранавіцкага аддзялення чыгункі — маўляў, «не грэх задаць пытанне кіраўніку аддзялення».
Між тым, іншыя ябацькі абураюцца, што песні Агурбаш спяваюць людзі, недастойныя выконваць такія «патрыятычныя песні».
-
Памёр бізнэсмен з 90-х Аляксандр Сманцар. Гэта ён у 2010 званіў Статкевічу на Плошчу і заклікаў «сядаць у крэсла Сідорскага»
-
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер
-
Нямецкі дэпутат, які мае пад Лідай фірму па перапрацоўцы цыбулі, выклікаў паліцыю на журналістаў і былога беларускага вязня
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер3
Каментары