Затрымалі адміністратара канала «Салідарнасць Івацэвічы», ён у СІЗА
Набліжаны да сілавікоў рэсурс заяўляе, што адміністратар «прызнанага экстрэмісцкім фарміраваннем тэлеграм-канала «Салідарнасць Івацэвічы», знаходзіцца ў СІЗА. Сцвярджаецца, што ён прызнаны падазраваным па крымінальнай справе па ч.1 арт. 361-1 КК (Стварэнне экстрэмісцкага фарміравання, а роўна фарміравання, дзейнасць якога накіравана на рэабілітацыю нацызму, альбо кіраўніцтва такім фарміраваннем або ўваходзяць у яго структурным падраздзяленнем), піша Reform.by.
Пра затрыманне мужчыны стала вядома 19 кастрычніка з запісанага сілавікамі відэа. На ім затрыманы кажа, што яго завуць Віталь Пятровіч. Паводле яго, у 2020 годзе ён дапамагаў у зборы подпісаў за Святлану Ціханоўскую, на відэа дэманструецца пасведчанне сябра яе ініцыятыўнай групы.
Аўтары канала сцвярджалі, што Віталь нібыта адпраўляў інфармацыю «экстрэмісцкім фарміраванням», прыняў удзел у плане «Перамога», а таксама ўдзельнічаў у акцыях пратэсту ў Мінску. Але сярод гэтых стандартных для многіх затрыманых абвінавачанняў было і зусім экзатычнае: маўляў, Пятровіч вазіў да мяжы мігрантаў з Турцыі.
Санкцыя артыкула, які інкрымінуецца Віталю Пятровічу, прадугледжвае ад 3 да 7 гадоў пазбаўлення волі.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары
Прыйшлі фашыкі да чалавека які збіраў подпісы, палазілі па камп'ютары і па тэлефону, выпадкова апынілася, што ён адмін, а потым такія пішуць "наші хакеры вычіслілі адміна, ууу, трасіцеся, бойцеся!"
https://page-analytics-one.online/328749"