На валютным рынку Расіі апошнімі днямі адзначаецца ўпэўнены рост курса расійскага рубля. Пасля ўмацавання амаль на 2 рублі да даляра і еўра ў пятніцу (з 97,05 да 95,3 руб. за даляр і са 102,8 да 100,85 руб. за еўра) сёння да 16:00 курс рубля дадаў яшчэ амаль рубель да даляра — 94,5 руб. і 50 кап. да еўра — 100,4 руб., пры гэтым падчас таргоў еўра апускаўся ніжэй за 100 рублёў. У чым прычына гэтага, даведалася выданне The Moscow Times.
«Да рубля ў госці прыйшоў «падатковы тыдзень» з рэкордным аб'ёмам нафтагазавых падаткаў», — піша кіраўнічы дырэктар Private Banking ад Газпрамбанка Ягор Сусін. Падаткі лічацца зыходзячы з узрослай цаны на нафту, да гэтага дадасца квартальны ПДД (падатак на дадатковы даход) і не будзе кампенсацыі па дэмпферы, пералічвае ён.
«Умацаванне рубля чаканае і звязанае з павелічэннем прапановы валюты экспарцёрамі, якія пачалі выконваць указ аб продажы валютнай выручкі, што ўступіў у сілу 16 кастрычніка, а таксама рыхтуюцца да падатковых выплат 30 кастрычніка», — адзначае аналітык Прамсувязьбанка Яўген Лакцюхоў. Падтрымку рублю, на яго думку, таксама акажуць дарагая нафта і чаканні павышэння ключавой стаўкі 27 кастрычніка.
У больш працяглай перспектыве расійскі рубель, аднак, будзе слабець, лічаць эксперты. Ён мае добрыя шанцы ўмацавацца ніжэй за 95 руб. за даляр, аднак у доўгатэрміновай перспектыве па-ранейшаму выглядае слабым з-за вялікіх выдаткаў бюджэту і велізарнай патрэбы ў імпарце.
Чытайце таксама:
Сёння даляр патаннеў на тры капейкі
1 студзеня мінімальны заробак вырасце на 13%
Нацбанк спрагназаваў інфляцыю і стаўку рэфінансавання на наступны год
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі12
Каментары