Знайшлі «Пагоню» і шыльду «Жыве Беларусь!», якія былі на пашкоджаным мемарыяле ў Кіеве
Журналіст радыё «Рацыя» Яўген Валошын высветліў, дзе цяпер знаходзяцца шыльда з лозунгам «Жыве Беларусь» і герб «Пагоня», знятыя з мемарыяла на каледжы мастацтваў у Кіеве, усталяваным у гонар беларускіх добраахвотнікаў, якія загінулі за Украіну.
Высветлілася, што элементы мемарыяла знялі самі супрацоўнікі каледжа Кіеўскага нацыянальнага ўніверсітэта тэхналогій і дызайну (КНУТД), бо напярэдадні невядомыя вандалы пашкодзілі іх і пакінулі вісець на адной шрубе. Каб яны не ўпалі і не пашкодзіліся, супрацоўнікі каледжа самі іх дэмантавалі і прыхавалі. У іх яны цяпер і захоўваюцца.
Дырэктарка каледжа Любоў Хмялеўская расказала, што ёй паступалі пагрозы па тэлефоне з патрабаваннямі дэмантаваць мемарыял, пагражалі мініраваннем будынка. І яна дзеля таго мусіла пайсці на саступкі.
Паводле Хмялеўскай, для таго, каб мемарыял зноў з’явіўся на месцы, неабходны афіцыйны дазвол уладаў, перадусім з боку Міністэрства адукацыі Украіны.
Пра тое, што ў Кіеве псеўдапатрыёты пад выглядам змагання з краінай-агрэсарам дамагліся частковага разбурэння мемарыяла, пастаўленага ў памяць пра беларусаў, якія загінулі ў баях за Украіну, стала вядома ў пачатку кастрычніка. Першай пра гэта сказала на сваёй старонцы ў тыктоку ўкраінская блогерка Хрысціна Кафка.
«Словы «Жыве Беларусь» раздражняюць». Дырэктарка кіеўскага каледжа патлумачыла дэмантаж часткі памятнага знака беларускім ваярам
Актывісты будуць аднаўляць пашкоджаны знак беларускім байцам у Кіеве
«Украінскія псеўдапатрыёты знішчаюць мемарыялы». Стала вядома пра разбурэнне помніка беларусам, якія загінулі за Украіну
Цяпер чытаюць
Гродзенскага падлетка адправілі ў школу ў Літву — ён вывучыў літоўскую і цяпер перакладае ў Еўрапарламенце. Перакладаў ён і Ціханоўскіх14
Каментары
Ад самага пачатку ж было вядома, што яны ў склепе каледжа. актывістка і валантэрка Вольга Гальчанка забрала сцяг, а гэтыя рэчы цяжкія, тау і засталіся далей у каледжы.