Пры перасячэнні літоўскай мяжы раварысты павінны будуць стаяць у агульнай чарзе з машынамі
У памежных чатах 11-12 лістапада з'явілася інфармацыя пра тое, што на памежных пераходах «Прывалка/Райгард» і «Беняконі/Салечнікі» пры праходжанні мяжы на літоўскім баку раварыстаў ставяць у адну чаргу з аўтамабілямі. На гарачай лініі памежнай службы Літвы Office Life пацвердзілі гэтую інфармацыю.
Прычын прыняцця такога рашэння ў літоўскай пагранслужбе не паведамілі, але заявілі, што яно распаўсюджваецца на ўсе пагранпераходы на беларускай мяжы.
Сутнасць у тым, што дагэтуль на літоўскіх памежных пераходах былі спецыяльныя месцы, дзе пешаходы і раварысты павінны былі чакаць, пакуль іх прапусцяць на мытны і памежны кантроль. Цяпер на літоўскім баку чэргі для раварыстаў і машын сталі агульнымі (для грамадзян ЕС — адна, для грамадзян іншых дзяржаў — іншая).
У беларускім Дзяржпагранкамітэце паведамілі, што ў нас ніякіх абмежаванняў па перасячэнні мяжы для раварыстаў не прымалася. Але параілі ўдакладняць сітуацыю на канкрэтных пагранпераходах.
З-за абмежаванай колькасці пагранпераходаў на мяжы з Еўрасаюзам чэргі там прыкметна выраслі. У перыяды працяглых выхадных і святочныя дні яны часам павялічваюцца ўдвая. З улікам пагаршэння ўмоў надвор'я стаяць у агульнай чарзе раварыстам, імаверна, будзе не вельмі камфортна.
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары